Ўзбекистон республикаси адлия вазирлиги тошкент давлат юридик университети “ФУҚаролик ҳУҚУҚИ ” кафедраси

Тадқиқотнинг предмети. Тадқиқотнинг предметини ворислик институти билан боғлиқ муносабатларниҳуқуқий тартибга солишга оид миллий, халқаро ва хорижий норматив-ҳуқуқий ҳужжатлар мажмуи, уларни қўллаш амалиёти ҳамда мавзуга оид илмий-назарий манбалар ташкил этади.
Тадқиқот бўйича адабиётлар шарҳи.Ўзбекистонда қонун бўйича ворислик, уни фуқаролик ҳуқуқий тартибга солиниши мазкур ихтисослик нуқтаи назаридан комплекс тарзда алоҳида тадқиқ этилмаган. Бироқ, мерос ҳуқуқи билан боғлиқ айрим масалалар ҳуқуқшунос олимларнинг илмий изланишларида ёритиб ўтилган. Хусусан, мамлакатимиздаги ҳуқуқшунос олимлардан И.Зокиров, Н.Имомов, Б.Б.Самарходжаев Ш.Н.Рўзиназаров, Д.М.Караходжаева, Р.Рузиев, М.Баратов каби цивилист олимлар тадқиқотларида у ёки бу жиҳатлари тадқиқ этилган.
З.Шомухаммедова, Р.Мухаммедов, Ф.Курганова кабилар мерос ҳуқуқига оид махсус тадқиқотларни амалга оширган. Ворислик ҳуқуқини айрим жиҳатлари академик Х.Рахмонқулов томонидан ҳам ўрганилган.
Қонун бўйича ворислик масалалари МДҲ давлатларида ҳуқуқшунос олимлардан Н.П.Пригода¹, О.Ю.Шилохвост², В.АБелов³, А.А.Дружнев⁴, А.М.Байзигитова кабиларнинг илмий изланишларида у ёки бу даражада ушбу давлатнинг ўзига хос ривожланиш даражаси ва тарихий шарт-шароитларидан келиб чиққан ҳолда тадқиқ этилган.
Тадқиқот учун танланган услублар тавсифи.
Тадқиқотнинг ҳуқуқий асослари бўлиб, Ўзбекистон Республикасининг Конституцияси, Ўзбекистон Республикаси Президенти асарлари, кодификациялашган қонун нормалари, шунингдек Қонунлар, Президент Фармонлари, Қарорлари, Ўзбекистон Республикаси Вазирлар Маҳкамасининг Қарорлари ва вазирликлар ва идораларнинг норматив-ҳуқуқий ҳужжатлари ҳисобланади.
Қонун бўйича ворислик бўйича мавжуд адабиётлар тадқиқ этилади, хорижий мутахассисларнинг назарий қарашлари ўрганилди. Шунингдек БМИни ёзишда қиёсий-ҳуқуқий, тизимли-мантиқий таҳлил, ҳаракатдаги қонунчиликни амалда қўллашни илмий таҳлил этиш каби илмий билиш усуллари қўлланилиши белгиланган.