Ўзбекистон республикаси адлия вазирлиги навоий вилояти юридик техникуми

Савол:Мазкур талаб қайси органга тааллуқли? Фуқаронинг ҳаракатлари тўғрими? Масалани давом эттиринг.

34. 
    Умумий йиғилиш қарорига кўра, кўп йиллардан буён жамоа хўжалиги аъзоси бўлган Маматов Ш.га шахсий фермер хўжалигини ривожлантириш учун ер ажратилди. Ажратилган ер майдони ниҳоятда ноқулай ердан берилганлиги, фермер хўжалигига тескари йўналишда эканлиги учун алмаштириб беришларини сўраб туман ҳокимига мурожаат қилади. Орадан бир йил ўтгач, жамоа хўжалиги раиси ундан ўша ер учун режа асосида махсулот топширишини талаб қилади, акс ҳолда фойдаланилмай ётган ер учун давлатга етказилган зарарни ундириб олиш мумкинлигини билдиради.
    

Савол:Фуқаро бу ҳолат юзасидан қайси органга мурожаат қилиши зарур? Қандай ҳолатларда жамоа (ширкат, фермер, деҳқон) хўжаликларига доир ишлар суд (умумий, хўжалик)ларга тааллуқли бўлади? Мазкур иш юзасидан ишда иштирок этувчи шахсларни аниқланг.

34. 
    Фуқаро Давидова Г. судга мурожаат қилиб, фуқаро Холбоев А.дан беш юз минг сўм қарзини ундириб беришни сўраган. Суд мажлисида сўроқ қилинган жавобгар процессга Техника Университети талабаси Хамидов Х.ни ҳам жавобгар сифатида жалб қилишни, аслида қарзни олиб ўша шахсга берганлигини, ҳозирда эса қайтариб бермаётганлигини кўрсатади. Суд иш ҳолатларига кўра, жавобгарнинг илтимосини қаноатлантиради ва ишни мазмунан кўришни давом эттиради.
    

Савол: Судга жалб қилинган Хамидов Х.нинг процессуал ҳуқуқий ҳолатини аниқланг (учинчи шахс, шерик иштирокчи, ишга тегишли тарафми?). Ушбу ҳолат юзасидан даъвогарнинг розилиги керакми?

34. 
    Даъвогар Ҳайитбоева Д. жавобгар Элмуродов С.га нисбатан судда даъво қўзғатиб, Тошкент шаҳар, Юнусобод даҳасидаги 90-уйнинг 40-хонадонини ваколатнома асосида ҳаракат қилувчи жавобгар Элмуродов С.дан қонуний тартибда олди-сотди шартномасига асосан сотиб олганлигини баён қилиб, жавобгарни ўзига тегишли уйдан кўчиришни сўраган. Судга Элмуродов С.нинг турмуш ўртоғи Элмуродова Л. қарши даъво ариза билан мурожаат қилиб, унинг рухсатисиз уй-жой сотилганлигини, низоли хонадонга унинг ворис бўлиш ҳуқуқи борлигини билдиради. Суд мажлисига жалб қилинган фуқаро Сигидина Е. аслида уй унга тегишли эканлигини, у жавобгар Элмуродов С.га фақат сотиш ҳуқуқини берувчи ваколатнома берганлигини, ҳалигача ундан олиш-сотиш пулини тўлалигича олмаганлигини билдиради.