Ўзбекистон респубикаси

Градация – бир хил вазифага мўлжалланган маҳсулот, жараёнлар ёки тизимлар сифатига бўлган турли талабларга берилган класс, сорт, тоифа ёки разряд.
Мисол – Авиабилет класси ёки меҳмонханалар билдиргичидаги меҳмонхона тоифаси.
Изоҳ – Сифатга қўйиладиган талабни аниқлашда градация одатда белгиланади.
Градацияни пасайтириш – номувофиқ маҳсулотнинг бошлангич талаблардан фарқланувчи талабларга мувофиқ келиши учун унинг градацияни ўзгартириш.
Доимий яхшилаш – талабларни бажариш имкониятини оширишга қаратилган такрорланувчи фаолият.
Изоҳ – Мақсадларни белгилаш ва сифатни яхшилаш имкониятларини топиш жараёни аудит кузатувлари ва аудит натижалари бўйича хулосалар, маълумотлар таҳлили, раҳбарият томонидан бажарилган таҳлил ёки бошқа воситалардан фойдаланувчи доимий жараён бўлиб, булар одатда, кузатиш ҳаракатларига ёки олдини олиш ҳаракатларига олиб келади.
Ёзув – эришилган натижаларни ёки фаолиятнинг амалга оширилганлиги тўгрисидаги далилларни ўз ичига олган ҳужжат.
Изоҳлар:
1. Ёзувлар, масалан, кузатувчанликни ва верификатлаш, ўтказилганлиги тўгрисидаги далилларни, олдини олиш харакатини ва тузатиш ҳаракатларини ҳужжатлаштиришда фойдаланиши мумкин.
2. Одатда ёзувларни қайта кўриб чиқишлар бошқаришни талаб этмайди.
Етказиб берувчи – маҳсулотни етказиб берувчи ташкилот ёки шахс.
Мисол –Ишлаб чиқарувчи, улгуржи савдо қилувчи, чакана савдо қилувчи корхона ёки маҳсулотни сотувчи, хизматларни бажарувчи, ахборотни етказиб берувчи.
Изоҳлар:
1. Етказиб берувчи ташкилотга нисбатан ички ёки ташқи бўлиши мумкин.
2. Контрактли вазиятда етказиб берувчи баъзан “пудратчи” дейилади.
Жараён – киришларни чиқишларга ўзгартирувчи ўзаро богланган ва ўзаро ҳаракат килувчи фаолият турларининг мажмуи.
Изоҳлар:
1. Жараёнга киришлар одатда бошқа жараёнларнинг чиқишлари бўлади.
2. Ташкилотдаги жараёнлар одатда бойликни орттириш мақсадида бошқарилувчан шароитларда режалаштирилади ва бажарилади.
3. Сўнгги маҳсулотнинг мувофиқлигини тасдиқлаш қийин ёки иқтисодий жиҳатдан мақсадга номувофиқ бўлган жараён кўпинча “махсус жараёнга” киритилади.