Ўзбекистон респубикаси

Биринчи босқичида миллий тармоқлар ўзагини ташкил этувчи асосий давлат муассасалари ахборот тизими ва тамоқларини яратиш кўзда тутилган. Бу тизимларга асосий талаб: юқори малакали экспертизадан ўтган чуқур ишлаб чиқилган лойиҳалар мавжудлиги; юқори сифатли лицензияли дастурий воситалар ва замонавий компьютер техникаси мавжудлиги; очиқ тизимлардаги ўзаро амалдаги халқаро стандарт ва протоколлардан фойдаланишдир.
Иккинчи босқичда Миллий тармоқлар ўзагини ҳосил этувчи давлат ташкилотларида қурилган ахборот тизимлари интеграцияси амалга оширилади.
Учинчи босқичда тармоққа бошқа идоралар, концернлар, ассоциациялар, ИТИ, КБ, илмий марказлар ва ҳоказолар уланади.
Ўзбекистон ахборот технологияларини тадбиқ этиш ва ривожлантириш учун талай интеллектуал имконият ва ахборот заҳираларига эга. Фанлар академияси, олий ва ўрта махсус ўқув махсус ўқув юртлари, ишлаб чиқариш ва фирмаларда компьютер техникаси, алоқа, дастурий ва ахборот таъминоти, ахборот тизимлар бўйича малакали ходимлар ишламоқда. Шу билан биргаликда ҳозирги давр қуйидагиларни талаб қилмоқда:
Биринчидан, мактаб, коллеж, олий ва ўрта махсус ўқув юртларини компьютерлаш зарур. Бугун мактаблар орасида айримларигина ҳисоблаш техникасининг замонавий воситаларига эга, ҳатто улардаги жихозланиш даражасини ҳам европача нусхадаги мактаблар билан қиёслаб бўлмайди, зеро республикада аҳолининг ярмидан кўпи 16 ёшгача бўлган фарзандларимиздир.
Иккинчидан, ахборот тизим ва технологияларини тадбиқ этиш иқтисодиёт, фан, таълим ва бошқаришнинг барча соҳаларида давом этаяпти. Ахборот восита ва тизимлари, тармоқлари миқёсининг таҳлили шуни кўрсатмоқдаки, келгусида электрон пуллар, билимлар, хизматлар ва бошқалар оммавий қўлланади. Жаҳон ахборот макони билан интеграциядаги автоматлашган ахборот муҳити инсоният жамлаган билимлардан, улар ахборот муҳитига етиб келган вақт ва жойдан қатъий назар, максимал фойдаланиш имконини яратади.
Учинчидан, компьютер паркини ҳар 5-7 йилда маънавий ва жисмоний эскириш туфайли янгилаб туриш лозимдир.
Халқ хўжалигининг ушбу йўналишида Ўзбекистон Республикаси ҳам юқорида белгилаб берилган тамойилларни амалга оширар экан, ахборотлашган жамият сари эволюцион йўл билан қадам қўйиб бормоқда. Ажаб эмас бир неча яқин йиллар мобайнида барча хонадонларимизни ахборотлар технологиясиз тасаввур қилиб бўлмайди.