Ўзбекистон респубикаси

16.3. Сифат менежменти тизими жараёнларини тавсифлашда компьютер технологиялар концепциясидан фойдаланиш

Ўзбекистон Республикаси информатика ва ҳисоблаш техникаси йўналишида жаҳон даражасидаги илмий мактаблар яратгани, уларда тадқиқотлар муваффақиятли олиб борилаётганлиги билан шартли равишда фахрлана олади.

Информатиканинг инсон фаолияти мустақил соҳаси сифатида ажралиб чиқиши биринчи навбатда компьютер техникаси ривожланиши билан боғлиқ. Бунда асосий хизмат микропроцессор техникасига тўғри келади. 
Информатикани тор маънода уч ўзаро алоқадор қисмлар - техник воситалар (hardware), дастурий воситалар (software) ва алгоритмик воситалар (brainware) сифатида тасаввур этиш мумкин. Ўз навбатида информатикани ҳам умуман, ҳам қисмлари бўйича турли жиҳатлардан: халқ хўжалиги тармоғи, фундаментал фан, амалий фан соҳаси сифатида кўриб чиқиш мумкин.
1994 йил декабрида Ўзбекистон Республикаси Вазирлар Маҳкамаси Ўзбекистон Республикасининг ахборотлаштириш концепциясини қабул қилди.
Концепциянинг асосий мақсади ва унда қўйилган масалалар қуйидагилардан иборатдир:
1. Миллий ахборот-ҳисоблаш тўрини яратиш;
2. Ахборотларга товар сифатида ёндашишнинг иқтисодий, ҳуқуқий ва меъёрий ҳужжатларини юритиш;
3. Ахборотларни қайта ишлашнинг регламентлаштирувчи жаҳон стандартларига риоя қилиш;
4. Информатика индустриясини мужассамлаштириш ва ривожлантириш;
5. Ахборотлар технологияси соҳасидаги фундаментал тадқиқотларни рағбатлантириш ва қўллаб-қувватлаш;
6. Информатика воситалари фойдаланувчиларини тайёрлаш тизимини мувофиқлаштириш.
Концепциянинг асосий қоидалари ҳисобга олинган “Ўзбекистон Республика-сининг ахборотлаштириш дастури” ишлаб чиқилди, у уч мақсадли дастурни ўз ичига олади:
а) миллий ахборот-ҳисоблаш тармоғи;
б) ЭҲМни математик ва дастурий таъминлаш;
в) шахсий компьютер.
Мазкур дастурда вазирлик ва маҳкамалар ахборот тармоқлари, Миллий ахборот-ҳисоблаш тармоғини яратиш, компьютерлар ва ҳисоблаш техникаси воситаларини ишлаб чиқаришни ташкил этиш, янги ахборот технологиялари соҳасида кадрлар тайёрлашни такомиллаштириш, ҳужжатлаштиришнинг меъёрий-услубий ва хуқуқий тизимини яратиш ва бошқалар жой олган.
Миллий ахборот ҳисоблаш тармоғи давлат алоқа тизими негизида ишлайдиган ва ягона ўрнатилган протоколларга риоя қилиш асосига қурилган давлат ва идоравий хусусиятга эга ахборот ҳисоблаш тармоқларини мужассамлашганлигини ўзида намоён этувчи очиқ тизим сифатида яратилиши лозим.
Юқорида кўрсатилган муаммоларни бир неча босқичда ҳал этиш кўзда тутилмоқда.