Ўзбекистон респубикаси

7.4.2 Сотиб олиш бўйича ахборот
Сотиб олиш бўйича ахборот буюртирилаётган маҳсулот баёнини, жумладан зарур бўлганда:
а) маҳсулот, процедуралар, жараёнлар ва асбоб-ускуналарни тасдиқлаш бўйича талабларни;
b) ходимлар малакасига қўйиладиган талабларни; ва
с) сифат менежменти тизимига қўйиладиган талабларни ўз ичига олиши керак.
Ташкилот сотиб олишга оид белгиланган талабларни етказиб берувчига хабар қилгунга қадар уларнинг бир хиллигини таъминлаши лозим.

Сотиб олиш учун зарур ҳужжатларда сотиб олинаётган маҳсулотни аниқ идентификацияси ва сотиб олинадиган маҳсулотга эҳтиёж кўрсатилиши керак.

Ташкилот, сотиб олишга талабномадан бошлаб маҳсулотга талабларни аниқлашда барча тегишли томонларни (маҳсулот ишлаб чиқариш жараёнларини эгалари) қатнашишини таъминлаган ҳолда, маҳсулотларга талабларни идентификатлаштириш ва уларни етказиб беришга шартномаларга киргазиш тартибини белгилаши керак. Маҳсулот номи, белгиланиши, техникавий талаблар, меъёрий ҳужжатлар, спецификациялар, чизмалар, назорат усуллари, технологик жараёнга талаблар аниқ белгиланиши керак.
Ташкилот, сотиб олинадиган маҳсулотга белгиланган, шунингдек ўзига хос талабларни етказиб берувчига хабар қилингунгача тўғриликка текшириши керак.

7.4.3 Сотиб олинган маҳсулотни верификатлаш Ташкилот сотиб олинган маҳсулотни сотиб олишга оид белгиланган талабларга мувофиқлигини таъминлаш учун зарур текширув ёки бошқа амалларни ишлаб чиқиши ва амалга ошириши керак. Ташкилот ёки унинг истеъмолчиси верификатлашни етказиб берувчининг корхонасида амалга оширишни кўзда тутган бўлса, у ҳолда ташкилот сотиб олиш бўйича ахборотда мўлжалланган чораларни ва ишлаб чиқарилаётган маҳсулотни верификатлаш усулларини белгилаши лозим.

Ташкилот сотиб олинган маҳсулотни текшириш процедураларини белгилаши керак.
Етказиб берувчини текшириш зарурияти белгиланганда, ташкилот бу талабни сотиб олишга ҳужжатларга киритиши керак.
Агар ташкилот маҳсулот ва уни ишлаб чиқариш жараёнларини етказиб берувчи – корхонада текширишни режалаштирса, унда текшириш усулини аниқлаш ва уни сотиб олишга ҳужжатда кўрсатиш керак.
Кириш назоратини турлари ва ўтказиш усуллари сотиб олинаётган маҳсулот, сотиб олинаётган маҳсулот сифати, шунингдек ишлаб чиқаришни ўзига хос хусусиятларига боғлиқ бўлади.