Ўзбекистон олий ва ўрта махсус таълим вазирлиги тошкент автомобил ва йўллар институти “ЙЎЛ Қурилиши” факультети

Қиздирилган қопламага янги қоришма қўшиб текислаш икки хил бўлади. Биттасида янги қоришма эскисининг устига ёйилади, лекин улар аралаштирилмайди, иккинчисида эса аралаштирилади. Биринчисида, аввал, машина қопламани қиздиради, юмшатади, текислайди ва эски материални сал зичлайди, кейин ўша (ёки бошқа) машина янги қоришма тўкади (10-расм) ва катоклар билан зичланади.


10 – расм. Янги асфальт қоришма қўшиб қопламани янгилашнинг технологик жараёнлари кетма-кетлиги
Таъмирлашнинг бу усули қопламадаги бўйлама нотекисликлар, ғилдирак излари (чуқурлиги 2 см дан ортиқ), узунлиги 13 см гача бўйлама тўлқинлар, кўндаланг профилнинг бузилишлари ва бошқа нуқсонларни йўқотиш имконини беради. Бироқ, йўл тўшамасининг қуйи қатламларида сезиларли деформация бўлмаслиги керак. Қопламанинг умумий қалинлиги 80 мм дан кам бўлмаслиги, янгиланаётган қатлам эса юмшатишнинг максимал чуқурлигидан 10 мм қалин бўлиши керак. Эски ва янги қоришмаларни аралаштириш зарур бўлганда икки хил машина ишлатилади: инфрақизил нурланувчи горелкаси бор асфальт қиздиргич ва ремиксер.
Иш давомида асфальтқиздиргич қиздирган ва юмшаган асфальтбетон қоришмаси тўғриловчи ағдаргичдаги тешик орқали парракли аралаштириш бўшлиғига тушади. У ерда 1300С дан кам бўлмаган ҳароратда 30…40 сек давомида янги асфальт қоришма билан аралашади [5].

11 – расм. Асфальтбетон қопламаларини тиклаш усули билан таъмирлашда ишлатиладиган машина ва механизмлар:а- инфрақизил нурлар билан қопламани қиздириш; б- қўшиладиган асфальтбетон қоришмани ташиб келтириш; в- қоришмани аралаштириш ва ётқизиш; г- зичлаш

Юмшатиб қиздирилган қоришмани янгиси билан аралаштираётганда пластификатор қўшилади. У эски асфальтбетоннинг зичланишини яхшилайди, сурилиш хусусиятларини созлайди, қатламларнинг бир-бирига илашувини кучайтиради.

Йўл қопламаси ва тўшамасининг алоҳида қатламларини мустаҳкамлигини тиклаш учун эски асфальтбетон олиб ташланиб, яхшилаш мумкин. Бунинг икки усули бор: фрезалаш ва синдириш.