Збекистон миллий университети

Таҳрир (Edit) опцияси. Муҳитнинг таҳрир ҳолатида эканлигини-таҳрир ойнасининг ичида липиллаб турувчи курсорнинг мавжудлиги билдиради. Таҳрир ойнасининг эни 249 белги ўлчамида (ТП компилятори фақат 126 белгини қабул қилади). Бўйига эса етарлича катта қоғоз варағига ўхшатиш мумкин. Таҳрир қилинаётган матн ҳажми 64535 белги билан аниқланади (кейинги босқичларда бу чегара анча кенгайган). Айни бир вақтда ойнасида матннинг бир қисмигина кўринади ва у таҳрир саҳифаси деб аталади. Таҳрир ойнасидаги курсорни бошқариш тугмалари орқали матннинг ихтиёрий жойига ўтишимиз мумкин. Курсор турган жой экранга чиқаётган навбатдаги белгининг ўрнини билдиради. Курсорни бошқариш тугмалари орқали курсорни экран бўйлаб харакатлантиришимиз мумкин. Агар курсор ойна чегарасига етиб қолса, ойна матн бўйича бир сатр ёки бир белгига сурилади. Матн сатрлари бир-биридан махсус белги билан ажратилади (сатр охири белгиси). Бу белги экранда кўринмайди ва курсор сатрнинг ихтиёрий жойида турганда "Enter" ни босганда пайдо бўлади (бу амалдан сатрни иккига бўлишда фойдаланиш мумкин). Ажратувчи белгини "Del" тугмасини босиш орқали ўчириш мумкин. Бунда курсор сатр кейинги сатр билан уланади (агар у сатр мавжуд бўлса). Матн таҳрирининг иккита иш ҳолати мавжуд бўлиб, бу Insert (орага қўйиш) ҳолати ва Insert ўчирилган ҳолат. Insert ҳолати таҳрир режими учун нормал ҳолат ҳисобланади ва таҳрир ойнасининг биринчи сатрида Insert сўзининг мавжудлиги Insert ҳолатини англатади. "Ins" тугмасини босиш орқали Insert ҳолатига ўтиш ва чиқиш (ўчириш) мумкин. Insert ҳолатида киритилаётган ҳар бир белги матни "суради". Агар курсор сатр охирида бўлмаса, белги киритилаётганда курсорнинг ўнг томонидаги белгилар бир ўрин ўнгга сурилади ва киритилаётган белги курсор турган жойда пайдо бўлади. Худди шундай, янги сатр киритилаётганда ҳам пастдаги сатрлар бир ўрин пастга сурилади. Insert ўчирилган ҳолатда, киритилаётган белгилар "эски" белгилар устида (ўрнида) пайдо бўлади.


ИЛОВА 2


Турбо-паскал муҳитида ишлаш.