Ўзбекистон миллий университети биология факультети

 
 
 
1-лаборатория иши 

---

ВИРУСОЛОГИЯ ЛАБОРАТОРИЯСИНИНГ ТУЗИЛИШИ ВА УНДА 
ИШЛАШ ҚОИДАЛАРИ 
Вирусологиядан олиб бориладиган лаборатория машғулотлари, илмий 
тадқиқот ишлари махсус жихозланган лабораторияларда, хайвонлар билан 
ўтказиладиган тажрибалар виварийларда, ўсимликлар билан олиб бориладиган 
тажрибалар иссиқхоналарда, ҳайвонлар, одам, ўсимлик тўқималари, хужайра 
кулътуралари (экмалари) ва бактериофаглар билан ўтказиладиган тажрибалар 
бактериоцид лампалар билан стерилланган бокслар ёки айрим хоналарда олиб 
борилади. Бокс олдидаги хонада боксга киришда кийиладиган махсус кийимлар 
сақланади. Боксда энг зарур асбоб ускуналаргина сақланади: стол, стуллар, 
инструментлар учун шиша шкаф, газ горелкаси, гугурт, катта кичик қайчилар, 
скалпеллар, пинцетлар, игналар, стерилизатор, ишлатилган пипеткалар 
сақланадиган 2%ли фенолли ёки хлораминли идиш, дезактивация қилиш учун 
ишлатиладиган фенол ёки хлораминли идиш, ишлатилган материалларни 
соладигаи идиш, 70%ли йодни спиртли эритмаси, пробиркалар учун штативлар, 
стерилланган оддий ва пастер пипеткалари, стерил пробиркалар, оддий ва мум 
қаламлар, лейкопластир, стерил пахта ва ҳоказолар. Бундан ташқари боксга ҳар 
бир вазифани бажариш учун ишлатиладиган материаллар ва эритмалар олиб 
кирилиб, иш тамом бўлгандан сўнг олиб чиқиб кетилади. 
Яна бир айрим хонада вирусларни тоза преааратларини олишда 
ишлатиладиган ҳар хил айланиш тезлигида ишлатиладиган совутгичли 
центрифугалар бўлади (минутига 6-12 мингдан 30-60 минг.марта айл.тез.). 
Вирусология лабораторияси яна электрон микроскоп, спектрофотометр, 
электрофорез, хроматография асбоблари (фракцияларни автоматик йиғувчи 
коллекторлар), дистилланган сув олиш асбоби, гомогенизатор, техник ва аналитик 
торозилар, қуритиш шкафлари, совутгич, термостат, рН метр, диффузия насоси, 
лиофил қуритгич ва хоказоларга эга бўлиши лозим. 
Вирусология 
лабораториясининг 
тузилишининг 
ташкиллаштириш 
принциплари ва унда ишлаш шароитлари, ишлаш жойларини тақсимланиши, 
ювиш ва дезинфекциялаш хонаси, асосий асбоб-ускуналар, реактив ва озиқа 
муҳитлар, шишадан ясалган идиш ва асбоб-ускуналар, стериллаш антизардоб 
олиш ва тайёрлаш, вирусларни сақлаш, вирусология лабораториясида 
дезинфекция ва стерилизация шартлари, айниқса медицина ва ветеренария 
вирусологиялари соҳасидаги лаборатория машғулотлари билан Гюнтер 
Штаркенинг "Практическая вирусология" (1968) ўқув қўлланмаси асосида 
бўлиши керак. 
Адабиёт 
1.Гюнтер Штарке "Практическая вирусология" Перевод с пемецкого Москва, 
1970, 356 с. 
2.Д.А.Васильев, В.Ю.Луговцев. Учебно-методические материалы по 
подготовке к лабораторным и семинарским занятиям по курсу вирусологии”. 
Ульяновск, 20005, 54стр.