Ўзбекистон Халқаро Ислом Академяси ҳузуридаги малака ошириш марказининг Наманган

Ўзбекистон Халқаро Ислом Академяси ҳузуридаги
малака ошириш марказининг Наманган
вилояти минтақавий филиали


битирув малакавий иши


Мавзу: Амур Темур даврида фан ва маъданят

Бажарди: Тошматов Анваржон
2-давра тингловчиси
Илмий раҳбар: Эргашев Ихтиёр
Наманган-2019
Т А Қ Р И З
Мазкур мавзуда ёзилган “малакавий иши” халқимизга мустақиллик туфайли берилган эркинликларнинг амалий намоён бўлишидир. Шу нуқтаи назардан қаралганда ушбу “малакавий иши” ўзига хос ижтимоий хусусиятларга эга. Иш битирувчининг ақлий ва амалий фаолияти натижаси ўлароқ атрофлича ўрганилган, фикр ва қарашлари далиллар асосида яратилган.
Иш тақриз, 1 - боб ва 2 - боб қисмларидан иборат бўлиб, Ишнинг “ТАҚРИЗ ” қисмида малака оширучи Тошматов Анваржон мавзунинг долзарблигини асослар экан, Соҳибқироннинг тенгсиз азму-шижоат, мардлик ва донишмандлик рамзи эканлигини, бу мумтоз сиймо буюк салтанат бунёд этиб, давлатчилик борасида ўзидан ҳам амалий, ҳам назарий мерос қолдирганини, илму-фан, маънавият, бунёдкорлик, дин ва маданият ривожига кенг йўл очиб берганини ёритиб берган.
“Малакавий иш”да келтирилган А.Темурнинг “Темур тузуклари” асарида баён этилган “азми қатъий, тадбиркор, ҳушёр, мард ва шижоатли бир киши мингта тадбирсиз, лоқайд кишидан яхшироқдир”, деган сўзлари бугунги кунда ҳам маънавий жиҳатдан долзарб аҳамиятга эга экани барчамизга аён.
Тақдир бу буюк зотнинг зиммасига беҳад улкан ва машаққатли вазифаларни юклади. Буюк саркарда А.Темур бунёд этган салтанатнинг вориси бўлишдек ўта маъсулиятли вазифа айнан набираси Мирзо Улуғбекга муносибдир. Мирзо Улуғбек қарийб 40 йил мобайнида Моварауннаҳр диёрининг донишманд ҳукмдори сифатида халқнинг азалий орзуси- тинчлик-тотувлик, илм-фан ва маданиятни тараққий топтириш йўлида улкан шижоат ва матонат кўрсатгани ҳақида тўхтанилган.
Ҳозирги кунга келиб бу бой маънавий меъросимиз қудратидан баҳра олиб шаҳдам қадам ташлаяпмиз. А.Темур тимсолида маърифат, илм-фан, маданият, дин каби соҳаларнинг барчасини ўзида уйғунлаштирган халқимизнинг маънавий олами нақадар бой ва рангба-ранг эканлигини ўз ишида тасвирлаган. Бундай ноёб ва бебаҳо бойликни ҳар томонлама чуқур ўрганиш, унинг мазмунини фарзандларимизга етказиш масаласи барчамиз учун ҳам фарз ҳам қарз бўлиши шарт деб ҳисоблайман.