Ўзбекистон халқаро ислом академияси

Abu Bakr (r.a)ning siyosati
Biz Abu Bakr (r.a) ning siyosatini u kishining payg‘ambarimiz ning masjidlarida umumiy bay’at olganlaridan keyin so‘zlagan qisqacha xutbasidan xulosa chiqarib olishimiz mumkin. U kishining aytganlari ichida: "Ey odamlar, men sizlarga voliy qilindim. Men oralaringizda eng yaxshisi emasman. Agar yaxshilik qilsam, menga yordam beringlar. Agar yomonlik qilib qo‘ysam, meni to‘g‘rilab qo‘yinglar. Rostgo‘ylik-omonat, yolg‘onchilik esa xiyonatdir. Oralaringizdagi zaif kimsa unga -insho Alloh- xaqqini olib bermagunimcha mening huzurimda kuchlidir. Oralaringizdagi baquvvat(kuchli) kimsa mening huzurimda zaifdir, hatto men undan -insho Alloh- haqini olaman. qaysi bir qavm Alloh yo‘lidagi jihodni tark qilar ekan, Alloh ularga xorlikni beradi. Qaysi bir qavmda buzuqliklar tarqalar ekan, albatta Alloh ularga baloni ommaviy qiladi. Modomiki men Alloh va rosuliga itoat qilar ekanman, menga itoat qilinglar. Agar Alloh va rosuliga osiylik qilsam, men uchun zimmalaringizda itoat qolmaydi..."

Bu xutbada -qisqa bo‘lishiga qaramay- fikr yuritgan kimsa hamma zamonu makonlarda xalqlar (u bilan) boshqarilishi mumkin bo‘ladigan komil dasturni topadi. Bu xutba hokim odam ziynatlanishi lozim bo‘ladigan tavoze’ga, shuningdek yaxshilik yo‘lidagi erkin fikrlilikka, adolat va insofning oliy cho‘qqilariga ishora qilib o‘tadi. Alloh yo‘lida jihod qilishga hamda fahsh va munkar ishlarga qarshi kurashga chaqiradi, zulmu tug‘yonga chek qo‘yadi. Bu ham bo‘lsa Alloh va rosuliga itoat qilish va din odoblarini mahkam tutishdir. Agarda hokim bu chegaradan chetga chiqadigan bo‘lsa, o‘ziga ham, odamlarga ham zulm qiluvchi bo‘ladi. Bunday holatda esa odamlar zimmasida unga itoat qilish qolmaydi...

SHunday qilib Abu Bakr (r.a) qisqa satrlar orqali tilidan avval qalbi so‘zlaydigan to‘g‘ri, buyuk siyosatni chizib beryapti. Buning ajablanarli eri yo‘q, zero bunday siyosatni uzoq zamonlar o‘tishiga qaramay tarix saqlab qolgan u kishining boqiy ishlari, buyuk amallari tasdiq etib ulgurgan.