Ўзбекистон ёшлар иттифоқининг корхона, ташкилот ва муассасалардаги бошланғич ташкилотлари учун

II. Етакчилар кенгашининг вазифалари

4. Етакчилар кенгаши ўз олдига қуйидаги вазифаларни қўяди:
- етакчилар фаолиятини мувофиқлаштириб бориш, бошланғич ташкилот етакчиларига ўз вазифасини бажаришда кўмаклашиш;
- етакчилар ўртасида ўзаро фикр-мулоҳаза, тажриба алмашишига имкон яратиш, илғор тажрибаларни оммалаштириш;
- етакчилар ишини жойига чиқиб ўрганиш ҳамда амалий-услубий кўмак бериш;
- етакчи ўз фаолияти давомида дуч келаётган муаммоларни ўрганиш ҳамда бартараф этиш бўйича таклифлар ишлаб чиқиш;
- етакчиларни услубий, тарғибот материаллари билан таъминлаш;
- етакчилик ҳаракатини ривожлантиришга ҳисса қўшиш.


III. Етакчилар кенгаши фаолиятини ташкил этиш
5. Етакчилар кенгаши бир вақтнинг ўзида Ўзбекистон ёшлар иттифоқи Марказий Кенгаши ҳамда тегишли вазирлик, идора ва ташкилотга бўйсунади.
6. Етакчилар кенгаши фаолияти тегишли вазирлик, идора ва ташкилотлар томонидан молиялаштирилади.
7. Етакчилар кенгаши вазирлик, идора ва ташкилотдаги умумий йиғилишда камида бешта аъзодан иборат таркибда сайланади.
8. Етакчилар кенгаши ҳар ойнинг охирги ҳафтасида бир марта ўз йиғилишларини ўтказади.
Йиғилишда қуйи тизимлардаги бошланғич ташкилотлар фаолияти таҳлил этилади, етакчи фаолиятига оид масалалар муҳокама этилади, ҳисобот ва ахборотлар тингланади.
9. Етакчилар кенгашини барча етакчиларнинг умумий йиғилишида кенгаш аъзолари орасидан сайланадиган кенгаш раиси бошқаради. Кенгаш раиси Етакчилар кенгаши фаолиятини бошқаради, кенгаш номидан мутасадди ва ҳамкор ташкилотлар билан ҳамкорлик ишларини олиб боради.
10. Кенгаш раиси йўқлигида Етакчилар кенгаши йиғилишида аъзолар орасидан вақтинча вазифасини бажарувчи сайланади.


IV. Етакчилар кенгаши фаолиятини тўхтатиш
11. Асосли сабаблар аниқланганда Етакчилар кенгаши фаолияти Ўзбекистон ёшлар иттифоқи Марказий Кенгаши билан келишган ҳолда вазирлик, идора ва муассасаларнинг умумий йиғилиши қарори билан тўхтатилади.