Ўзбекистон ёшлар иттифоқи марказий кенгаши ўзбекистон республикаси жисмоний тарбия ва спорт давлат қЎмитаси

V. Ўйинда қатнашиш шартлари
12. Ўйинда иштирок этиш учун қуйидаги ҳужжатлар тақдим этилиши шарт:
- шахсини тасдиқловчи ҳужжат (фуқаролик паспорти, туғилганлик гувоҳномаси нусхаси);
- яшаш ва ўқиш жойидан маълумотнома (расми муҳрланган ҳолда).

13. Ўйинга 18 ёшдан катта иштирокчилар жалб этилиши мумкин эмас.

VI. Ўйинни ўтказиш тартиби
14. Ўйин дастури мазмуни:
а) “Темурбеклар” ҳарбий-спорт ўйинларининг тантанали очилиши;
б) Ўйин босқичларини ташкил этиш;
в) Ўйиннинг асосий босқичларини баҳолаш ва ғолибларни аниқлаш;
г) Ўйин ғолиб ва совриндорларини тақдирлаш.

15. Ўйинларнинг асосий босқичлари шартлари:

1) "Мохир мерган";
2) "Тўсиқлардан ошиб югуриш";
3) “Жабрланувчига биринчи ёрдам кўрсатиш”;
4) "Миналаштирилган ҳудудда ҳаракатланиш";
5) "Сафда қўшиқ айтиш";
6) "Махфий пароллар билан ишлаш";
7) "Ҳарбий унвонлар тури ва ҳарбий лавозимлар";
8) "Ўзбекистон рамзлари";
9) "Рақиб жамоа байроғини эгаллаш".

16. Ўйин иштирокчилари қуйидаги қўшимча номинациялар бўйича тақдирланади:

- “Энг кучли жамоа”;
- “Энг тезкор жамоа”;
- “Энг жасоратли иштирокчи ўғил бола”;
- “Энг жасоратли иштирокчи қиз бола”.


VII. Ўйин жараёни
17. Ўйин иштирокчилари мактабнинг марказий дарвозаси олдида ҳарбий ватанпарварлик руҳидаги мусиқа садоси остида саф тортади. Мактаб директори таклиф этилган Улуғ Ватан уруши фахрийларига табрик сўзи йўллайди.

18. Ўйин иштирокчилари миллий армиямиз ва ўзбек ҳарбийлари қудрати, аскарларимизнинг жанговар тайёргарлиги ва кўрсатган жасорати ҳақидаги руҳлантирувчи даъватлар билан майдонга чорланади.

Тантанали марш мусиқаси остида “Тумербеклар” ҳарбий спорт ўйинлари очиқ деб эълон қилинади.

19. Ўйиннинг асосий босқичлари қуйидагича ўтказилади:

1-босқич "Моҳир мерган"
Жамоанинг ҳар бир аъзоси олдиндан тайёрланган катта теннис коптогини 80*80 см.лик мўлжалга 10 метр масофадан аниқ уриши керак. Ҳар бир жамоа аъзосига бир марта имкон берилади.