Ўзбекистон ёшлар иттифоқи марказий кенгаши ўзбекистон республикаси жисмоний тарбия ва спорт давлат қЎмитаси

Ўзбекистон ёшлар иттифоқи Марказий Кенгаши раиси
Қ.Қуранбаев
Тошкент ш.,
2017 йил «____»________,
_______- сон
Ўзбекистон Республикаси Жисмоний тарбия ва спорт давлат қўмитаси раиси		Р.Қурбонов
Тошкент ш.,
2017 йил «____»________,
_______- сон
Ўзбекистон Республикаси Маданият вазири		Б.Сайфуллаев
Тошкент ш.,
2017 йил «____»________,
_______- сон
Ўзбекистон Республикаси Халқ таълими вазири		У.Иноятов
Тошкент ш.,
2017 йил «____»________,
_______- сон
Ўзбекистон Республикаси Ички ишлар вазири		П.Бобожонов
Тошкент ш.,
2017 йил «____»________,
_______- сон
Ўзбекистон Республикаси Соғлиқни сақлаш вазири		А.Шадманов
Тошкент ш.,
2017 йил «____»________,
_______- сон
Ўзбекистон Республикаси Мудофаа вазири		А.Азизов
Тошкент ш.,
2017 йил «____»________,
_______- сон

Ўзбекистон ёшлар иттифоқи Марказий Кенгаши, Жисмоний тарбия ва спорт давлат қўмитаси, Маданият вазирлиги, Халқ таълими вазирлиги, Ички ишлар вазирлиги, Соғлиқни сақлаш вазирлиги, Мудофаа вазирлиги томонидан 2017 йил ___ декабрда имзоланган қўшма

қарорга 1-илова
“Темурбеклар” ҳарбий-спорт ўйинларини ташкил этиш
ва ўтказиш тўғрисида


Н И З О М

“Темурбеклар” ҳарбий-спорт ўйинлари (бундан буён матнларда ўйин деб юритилади) Ўзбекистон ёшлар иттифоқи Марказий Кенгаши, Жисмоний тарбия ва спорт давлат қўмитаси, Маданият вазирлиги, Халқ таълими вазирлиги, Ички ишлар вазирлиги, Соғлиқни сақлаш вазирлиги, Мудофаа вазирлиги ва уларнинг ҳудудий тузилмалари томонидан тегишли федерациялар, Қорақалпоғистон Республикаси, вилоятлар ва Тошкент шаҳар ҳокимликлар билан ҳамкорликда (бундан буён матнларда мазкур ташкилотчилар – Ташкилий қўмита деб юритилади) ташкил этилади.

I. Умумий қоидалар
1. Ўйин жамоавий ва якка тартибда умумий ўрта таълим муассасаси ўқувчи-ёшлари ўртасида ҳар йил март-май ойлари давомида ўтказилади.
2. Ўйин иштирокчилари Низомда белгиланган талабнома асосида ўйинда иштирок этади.


II. Ўйиннинг мақсади
3. Ўйинни ташкил этишдан асосий мақсад ўқувчи-ёшларни ҳарбий-амалий спорт мусобақаларига кенг жалб этиш орқали уларнинг бўш вақтини мазмунли ташкил этиш, ўзаро маданий-спорт алоқаларни йўлга қўйиш ҳамда ёшларни спорт ўйинларига оммавий тарзда жалб қилиш, соғлом турмуш тарзига риоя қиладиган, дастлабки ҳарбий ва психологик тайёргарликка эга ватанпарвар, масъуллиятли, қийин ва экстримал вазиятларда тўғри ҳаракатланиш кўникмаларини эгаллаган баркамол авлодни тарбиялашдан иборатдир.


III. Ўйинни ташкил этиш ва ўтказиш
4. Ўйин жамоавий ва якка тартибда умумий ўрта таълим муассасаси ўқувчилари ўртасида:
I босқич – умумий ўрта таълим муассасаси биринчилиги босқичи таълим муассаса директори, Ўзбекистон ёшлар иттифоқининг таълим муассасасидаги бошланғич ташкилоти етакчиси, фуқаролар йиғинининг Вояга етмаганлар, ёшлар ва спорт масалалари бўйича комиссияси аъзолари, жамоатчи мураббий раҳбарлиги ва ташкилотчилигида;
II босқич – туман (шаҳар) биринчилиги босқичи умумий ўрта таълим муассасалари ўртасида туман (шаҳар) ташкилий қўмиталари томонидан;
III босқич – Қорақалпоғистон Республикаси, вилоятлар ва Тошкент шаҳар биринчилиги тегишли ҳудудий ташкилий қўмиталар томонидан республика ташкилий қўмитаси раҳбарлигида ўтказилади.
5. Ўйинда барча ёшдаги ҳаваскор спортчилар (хоҳловчилар) иштирок этиши мумкин. Жамоавий 1-, 2- ва 3-ўрин ғолиблари фақат 10-11 синф ўқувчи-иштирокчилари орасидан аниқланади.
6. Ўйинда иштирок этувчи жамоалар ўз эмблемаси, байроғи, муайян рангдаги погонлари, 2 та эстафета таёғига эга бўлади.
7. Ўйинни тайёрлаш ва ўтказишда таълим муассаса директори, жисмоний тарбия ўқитувчилари, таълим муассаса шифокори ҳамда
10-11 синф ўқувчилари иштирок этади.
8. Ўйин давомида юзага келган муаммолар тегишли ташкилий қўмита томонидан ҳал этилади.
9. Ўйиннинг бош ҳаками Ўзбекистон Республикаси Жисмоний тарбия ва спорт давлат қўмитаси ва Ўзбекистон Республикаси Мудофаа вазирлиги томонидан тайинланади.


IV. Ўйинни ўтказиш муддати ва жойи
10. Иштирокчилар: 10-11 синф ўқувчилари (ҳар бир синфдан 8-нафар ўғил болалар ва 4-нафар қиз болалар) махсус спорт формасида иштирок этади.

11. Ўйин бир ўқув йилида бир марта, жумладан:

- март ойида таълим муассасаларида таълим муассасалари биринчилиги босқичи;
- апрель ойида ҳудуддаги спорт мактабида туман (шаҳар) биринчилиги босқичи;
- май ойида, ташкилий қўмита қарорига асосан, ҳудуд марказидаги спорт мажмуасида ҳудуд биринчилиги босқичи ўтказилади.