Ўзбекистон давлат консерваторияси “Тасдиқлайман”

Таълим ходимларининг малака категориялари — ўқитувчига профессионал вазифаларни ечиш учун имкон яратувчи, меърий мезонларга мос келувчи малака даражаси.
Таълимни инсонпарварлаштириш — ўқитишнинг мазмуни, шакли ва методларига инсонпарварлик ғояларини кенг сингдириш; таълим бериш жараёнида шахснинг ҳар томонлама ва эркин ривожланиши, унинг жамият ижтимоий ҳаётида фаол иштирок этишини таъминлаш.
Фаолиятли ёндашув — предметли, қайта яратувчи фаолиятда шахсни ҳар томонлама ривожлантириш тамойили.
Халқ педагогикаси - авлоддан-авлодга оғзаки ижод намуналарида ўтиб келаётган, тарихий, иқтисодий, ижтимоий муҳит таъсирида тўпланган, тўпланаётган ва ҳаёт тажрибасида синалган педагогик қарашлар, билим, кўникма, малакалар келтириб чиқарган тарбиянинг усул, услуб ва услубиятларидир.
Шахс - ижтимоий ва шахслараро муносабатларнинг маҳсули, онгли фаолиятнинг субъекти бўлмиш индивиддир. Шахсга тааллуқли бўлган энг муҳим тасниф - унинг жамиятдаги мураккаб ижтимоий муносабатларга бевосита алоқадорлиги, ижтимоий фаолиятга нисбатан ҳам объект, ҳам субъект бўлишдир.
Шахснинг ривожланиши — субъективликни таъминлайдиган, шахс онгининг қадриятли мазмунли ривожланиши.
Эстетик тарбия — инсоннинг ҳаёт ва санъатда гўзаллик қонунлари асосида яратувчанлик билан машғул бўлиш қобилиятини такомиллаштириш.
Эстетик идеал - шахснинг табиат, жамият ва санъатдаги мақсад тарзида идрок этадиган, такомиллашган гўзаллик борасидаги баҳосининг акс этиши.
Ўқув-тарбия жараёнини ривожлантиришнинг асосий кўрсаткичлари - янги, прогрессив ғоялар ва тенденциялар пайдо бўлиши; ўқитиш методлари, таълимнинг шакли, восита ва мазмунини янгилашдир.
Ўқитиш — қўйилган мақсадга эришиш учун йўналтирилган, ўқитувчи ва ўқувчининг тартибга солинган биргаликдаги ҳаракати.
Ўқитиш ва тарбиялашни инсонпарварлаштириш — педагогик диққат марказида ўқувчиларнинг муаммо ва қизиқишлари қўйилишидир.
Ўқитувчининг касбий-педагогик билимлари — ўқитувчи касбий билимлар ва ўқувчиларнинг ўзини-ўзи ривожлантириши тузилмасига эга бўлиши.