Ўзбекистон давлат консерваторияси “Тасдиқлайман”

Мактаб маданияти — педагогик жамоа ва унинг алоҳида аъзолари ҳатти-ҳаракатларини бошқаришга йўналтирилган муносабатлар системаси; мактаб жамоасига хос бўлган жамоавий кайфият ва менталлик.
Маълумот – мусиқа ўқитиш жараёни ва унинг натижаси. У икки маънода ишлатилади: 1) Хабар - ўқитиш жараёнини амалга оширувчи восита; 2) Билим даражаси.
Медитация — тафаккур ҳаракатлари мажмуаси, ички диққатни йўналтириш, мушаклар қисқаришини секинлаштирган ҳолда ва эмоционал тинч ҳолат орқали ташқи таъсирлардан маълум даражада холи бўлган психик ҳолатга ўзини олиб кириш.
Методология — 1) мусиқий тадқиқотларни ривожлантиришнинг умумий йўналиши, мақсади, чегаралари, тамойилларини аниқлаб беради; 2) мусиқий билишнинг илмий методи ҳақидаги таълимот.
Мураккаб малака - касб маҳоратининг асосини ташкил этиб, билим, бошланғич малака ҳамда кўникмаларни ўз ичига олади ва улар асосида шаклланади. Мураккаб малака шаклланиши шахсда касб маҳорати пайдо бўлишига имкон яратади.
Мониторинг — мусиқий қобилиятлар намоён бўлиши ҳодисасини эксперимент орқали ёки амалий фаолиятда кузатиш.
Мотив — 1) мусиқий тингловчилик эҳтиёжларини қондириш билан боғлиқ фаолиятга ундаш; 2) ички ва ташқи шартлар бирлиги, субъектнинг мусиқий фаоллигини чақирувчи ва унинг йўналганлигини белгиловчи ички шароитлар; 3) шахснинг мусиқий ҳаракат ва амалларни танлаши асосида ётувчи англанган сабаб.
Муҳит – кишининг тингловчилик диди шаклланишига таъсир этадиган ташқи воқелик.
Маъруза - давомли вақт ичида ўқитувчи томонидан катта ҳажмдаги ўқув материалини монологик баён қилиниши.
Маънавий педагогик қадриятлар — педагогик билимлар, ҳиссиётлар, кайфиятлар, ўқитувчининг педагогик тафаккури яхлитлиги бўлиб ҳисобланади.
Маънавий тарбия — инсонда барқарор ва уйғун ҳолдаги ривожланишни таъминлайдиган, ҳаётга нисбатан қадриятли муносабатни шакллантириш.
Меҳнат тарбияси — тарбиячи ва тарбияланувчиларнинг биргаликда меҳнатга нисбатан малака ва кўникмаларни ривожлантириш, меҳнатга психологик тайёрланиш.
Назорат — 1) қўйилган мақсадлардан оғишни аниқлаш ва кузатиш; 2) ишнинг ҳақиқий аҳволи борасида қабул қилинган қарорнинг мувофиқлиги даражасини аниқлаш.