Ўзбекистон давлат консерваторияси “Тасдиқлайман”

Педагогик тафаккур — бу ўқитувчининг ўқувчи позициясидан туриб тафаккур қилишидир, яъни ўқувчиларнинг хулқ-атвор мотивларини, қизиқишлари йўналишлари, эҳтиёжлари, ички оламини билишидир.
Педагогик позиция — педагогик маданиятнинг бирлаштирувчи таркиби, интегратив компоненти бўлиб, бу ўқувчининг маданий муҳитда ўз-ўзини такомиллаштиришига олиб келади ҳамда ўқитувчи шахсининг ўқувчилар билан педагогик фаолияти жараёнида мулоқотни муваффақиятли амалга ошириши шартларидан биридир.
Педагогик қобилиятлар — ўқитувчининг индивидуал-психологик хусусиятлари бўлиб касбий педагогик фаолиятни муваффақиятли амалга ошириш шартларидан биридир.
Педагогик ижодиёт — ўқув-тарбия ишларининг янада такомиллаштирилган шаклларини излаш, педагогик муаммоларни муваффақиятли ечиш, ўқувчиларни ўқитиш ва тарбиялашнинг сифатини оширишга йўналтирилган фаол жараёндир.
Педагогик такт — ўқитувчининг ўқувчиларга мақбул педагогик таъсир чораси, ўқитувчининг ўқувчилар билан самарали мулоқот ўрнатиши услубидир. Педагогик такт — ўқитувчининг касбий сифати, унинг маҳоратидир.
Педагогик этика — ўқитувчининг хулқ-атвори ва дунёни англашининг ўзига хос низоми бўлиб, ўқитувчи фаолияти жараёнида яхшилик ва ёмонликни танлашга имкон яратадиган, умуминсоний қадриятлар ва педагогик фаолият қадриятларига асосланадиган ахлоқий талаблар бирлигидир.
Ривожланиш — субъект ва объектларнинг сифат жиҳатидан ўзгариши, мавжудликнинг янги шакллари, инновациялар ва янгиликларнинг, улардаги ички ва ташқи алоқаларнинг такомиллашиши.
Рефлексия — ўз шахсий кечинмалари, сезгилари ва фикрлари юзасидан мулоҳаза юритиш шаклидаги ўз-ўзини англаш.
Семантик — мазмунга қаратилган, сўзнинг аҳамиятига мансуб.
Семинар - бу таълим берувчини таълим олувчилар билан фаол суҳбатга киришишига йўналтирилган, назарий билимларни амалий фаолиятда амалга ошириш учун шароитни таъминловчи, машғулотни ўқитиш шаклидир.
Суҳбат — 1) ўқувчиларни савол-жавоб асосида ҳатти-ҳаракатларни таҳлил қилиш ва ахлоқий баҳолар ишлаб чиқишга, муҳокамага йўналтирувчи метод; 2) вербал (оғзаки) коммуникация асосида маълумот олишга асосланган метод; 3) ўқитиш методи кўринишлари: ўрганилган материални мустаҳкамлаш, текширишга, ўрганилган материални такрорлаш орқали текширишга қаратилган, эвристик, қидирувчи, яъни ўқувчиларнинг эгалланган, мавжуд билимларига таяниладиган катехизис ёки репродуктив метод, ўқитувчи ўқувчиларни янги тушунчаларни ўзлаштиришга йўналтиради.