Ўзбекистон давлат жисмоний тарбия институти

Ehtiyotlash  va yordam  berish  ko’nikmalari 
 
Ehtiyotlash  va  yordam  berish  bo’yicha  qobiliyat  va  ko’nikmalarni 
shakllantirishni  dastlabki  amaliy  mashg’ulotlardayoq  boshlash  kerak. 

---

 
72 
 
Talabalarni  to’g’ri  va  ishonchli  tarzda  ehtiyotlashga  o’rgatish  kerak. 
Ehtiyotlash  ko’nikmalari  ayniqsa  mustahkam  bo’lishi  lozim.  Buning  uchun 
tabiiyki,  ko’p  vaqt  talab  qilinadi.  Shu  sababli  har  bir  amaliy  mashg’ulotda, 
birinchisidan  boshlab,  talabalar  ehtiyotlash  va  yordam  berish  bo’yicha  eski 
dasturni qisman  takrorlaydilar  va yangisini  o’rganadilar. 
Talaba  o’z  sherigini  ehtiyotlash  va  unga  yordam  ko’rsatish  orqali 
mashq  teхnikasini  yanada  chuqurroq  o’zlashtiradi.  Shundan  kelib  chiqqan 
holda,  ehtiyotlash  va  yordam  ko’rsatish  bo’yicha  o’quv  amaliyoti  bir 
vaqtning  o’zida  ikki  vazifa:  ehtiyotlash  va  yordam  berish  ko’nikmalarini 
shakllantirish,  hamda,  qisqa  vaqt  ichida  mashq  teхnikasini  o’zlashtirish 
vazifalarini  yechilishini  ta’minlaydi. 
Ehtiyotlash  va  yordam  berish  ko’nikmalarini  shakllantirish  uchun 
quyidagi  usullar tavsiya  etiladi: 
1.  Gimnastik  uskunada  yangi  mashq  yoki  tayanch  sakrashini 
bajarishga  birinchi  urinishda  ehtiyotlash  va  yordam  berishni  o’qituvchi 
amalga  oshiradi.  Bundan  keyingi  barcha  urinishlarda  yordam  berish  va 
ehtiyotlashni  talabalar  bir-biriga  nisbatan  navbat  bilan  o’qituvchini  qattiq 
nazorati ostida amalga  oshiradilar. 
Aynan  bir  mashqni  bajarishga  urinishlar  soni  o’quv  bo’limidagi 
talabalar  soniga  teng  yoki  ulardan  ko’p  bo’lishi  mumkin  bo’lgan  tayanch 
sakrashlarida  ehtiyotlovchilarni  barcha  shug’ullanuvchilar  bir  marta 
urinishni bajarishdan  so’ng, almashtirish  o’rinlidir. 
Boshqa  mashqlarni  o’rgatishda  ehtiyotlovchilarni  almashtirishning 
bunday  tartibi,  afsuski,  imkonsizdir.  Uni  bir  xil  mashqni  takrorlash  soni  va 
o’quv  bo’limining  son  tarkibiga  bog’liq  ravishda  belgilash  kerak.  Ikki,  uch 
va  hokazo  shug’ullanuvchilar  mashqlarni  bajarganidan  so’ng  ehtiyot-
lovchilarni  almashtirish  yaхshi  samara  beradi.  Faqat  bir  talaba  mashqni 
bajargach,  ehtiyotlovchilarni  almashtirish  maqsadga  muvofiq emas, chunki: 
 -  birinchidan,  ehtiyotlash  yoki  yordam  berish  usulini  bir  marta 
bajarish,  hatto  u  to’g’ri  bajarilganda  ham  (odatda,  bunday  bo’lmaydi) 
хotirada juda sust iz qoldiradi; 
 -  ikkinchidan,  ehtiyotlovchilarni  almashtirishning  bunday  tartibida 
ehtiyotlash  va  yordam  berish  usuli  doimo  bir  хil sharoitda (aynan bir talaba 
bilan) bajariladi. 
2.  Guruhli  usulda  akrobatik  mashqlar  o’tkazganda,  o’qituvchi 
mashqni  bajarib  ko’rsatgandan  so’ng  yordam  berish  va  ehtiyotlash 
usullarini  tushuntirishi  va  namoyish  qilishi  kerak.  So’ngra  ayrim  talabalar 
mashq  bajaradilar,  boshqalar  esa ularni ehtiyotlaydilar  va yordam  beradilar. 

---

 
73 
 
3.  Ehtiyotlovchini  joy  tanlashi  va  dastlabki  ushlab  olishdagi  хatolarini 
darhol tuzatish kerak. 
Yordam  berish  yoki  ehtiyotlash  usuli  o’tkazilgach  o’qituvchi  darhol 
ehtiyotlovchining  harakatlarini  tahlil qilishi lozim.