Ўзбекистон давлат жисмоний тарбия институти

Atamalarni  qo’llash  ko’nikmalari 
 
Atamalardan  foydalanish  qobiliyati  va  ko’nikmalarini  shakillan-
tirishni  boshlashdan  oldin  talabalarni  mazkur  sohadagi  bilimlar  bilan 
tanishtirish  lozim.  Buning  uchun,  har  bir  mashg’ulotda  turli  хil  mashqlarni 
tushuntirgan  holda,  o’qituvchi  ularni  (gimnastik  atamalar  bo’yicha)  aniq 
nomlashi  kerak.  Darvoqe,  ikkinchi  semestr  o’rtalarigacha  (bu  vaqtda 
atamashunoslik  bo’yicha  nazariy  mashg’ulotlar  o’tkaziladi)  o’qituvchilarda 
talabalarni  bu bilimlar bilan tanishtirishning  boshqa  yo’li yo’q. 
 Atamalardan  foydalanish  qobiliyatini  shakllantirish  uchun  quyidagi 
usullar tavsiya  etiladi: 
1.  Tayanch  harakatlari,  akrobatik  mashqlar  (guruhsiz  usulda 
o’tkaziladigan),  gimnastik  uskunalarda  bajariladigan  qisqa  kombinatsiyalar 
(o’quv  mashg’ulotlarida  ular  ko’pincha  qisqa  bo’ladi)  ni  bajarishda  har  bir 
talabadan  mashqni  bajarishga  har  qanday  urinishdan  oldin  uni,  atamalar 
bo’yicha  aniq nomlashni  talab qilish. 
2.  Sinovli  yoki  boshqa,  yanada  uzun  kombinatsiyalarni  bajarishda 
navbatdagi  talabadan  mashqni  aytib  qo’yishini  (undan  avval  mashqni 
bajaruvchiga  aytib  turgan holda) talab qilish. 
3.  Talabalarga  tanish  mashqni  ko’rsatmasdan,  faqat  nomlash  va 
ulardan biriga shu mashqni  bajarishni  taklif etish. 
 4.  Talabalarga  tanish  mashqni  nomlamasdan,  ko’rsatish  va  ulardan 
biriga yoki bir nechtasiga  shu mashqni  nomlash (aytish)  ni taklif etish.