Zbekiston davlat jahon tillari universiteti koreys filologiyasi fakulteti

O‘ZBEKISTON DAVLAT JAHON TILLARI UNIVERSITETI

KOREYS FILOLOGIYASI FAKULTETI

237-guruh talabasi Muminova Maftunaning

“Ilmiy ish asoslari” fanidan yozgan

KURS ISHI

Mavzu: Turistik xizmatlar va ularni tashkil etishda gidlarning roli

Tekshirdi: G.Normurodova

Bajardi: M. Muminova

Toshkent-2020

MUNDARIJA

I.KIRISH

II.ASOSIY QISM

REJA:

1. 
   Turizm haqida tushuncha va uning tarkibi
   

a)Turizm nima? Turizm tarixidan…

b)turistik xizmatlar

2. Gid xizmati va uning turizmda tutgan roli

a) . Gid kasbining o‘ziga xos xususiyatlari

b) Gid kasbiga qo‘yiladigan talablar.

d) Gidning nutq madaniyati. Gidning o‘zini tutishi

e) Gidning sayohat davomidagi ishlari

III. XULOSA

IV. FOYDALANILGAN ADABIYOTLAR RO‘YHATI

KIRISH

Turistik xizmatlar - turist va ekskursant ehtiyojlarini qondirish va ta'minlashga qaratilgan, xizmat sohasidagi bir maqsadga yo`naltirilgan harakatlar to`plami bo`lib, ular turizm maqsadlariga, xarakteriga va turistik xizmatning qanday yo`naltirilganligiga javob berishi hamda umuminsoniy tamoyillarga qarshi bo`lmasligi kerak. Davlat standarti ta'rifiga ko`ra, turistik xizmatlar - turistlarning ehtiyojlarini qondirish faoliyati bilan shug`ullanuvchi turizm tashkilotlarining faoliyati mahsulidir. O`zbеkiston Rеspublikasining "Turizm to`g`risida"gi Qonunida: "ekskursiya faoliyati - turistik faoliyatning tarixiy yodgorliklar, diqqatga sazovor joylar va boshqa ob'еktlar bilan tanishtirish maqsadida oldindan tuzilgan yo`nalishlar bo`yicha ekskursiya еtakchisi (gid) hamroxligidagi 24 soatdan oshmaydigan ekskursiyalarni tashkil etishga doir qismi", - dеyilgan. Gid haqida esa: "gid (ekskursiya еtakchisi) - tur qatnashchilariga turistik xizmatlar ko`rsatish shartnomasi doirasida ekskursiya - axborot, tashkiliy yusindagi xizmatlar va malakali yordam ko`rsatuvchi jismoniy shaxs", - dеyiladi. Turistik xizmat tarkibiga - xizmatlarni buyurtma qilish, tashish, joylashtirish va boshqa barcha rasmiylashtirish ishlari, tashib berishning barcha turlari, transfer, ovqatlantirish, ekskursiya va attraktsionlar, tibbiy ko`rik va sug`urta, tarjimon xizmatlari, uchrashuvlar va boshqalar bilan ta'minlash kiradi. Xizmatlar tarkibiga yana - guruh boshlig`i xizmati bilan gid - tarjimonning xizmati ham kiritilishi mumkin.