Ўзбекистон бадиий академияси

Фаннинг мақсад ва вазифалари
Бу фан бўлажак мутахассисга юқори дидли, бой фантазияли, нафосат билан, борлиққа ижодкорона ёндоша оладиган мутахассислар бўлиб етишишида мухим ўрин эгаллайди. Уларни илмий - ижодий изланишнга чорлайди. Мазкур Рангтасвир фани Ихтисослаштириган дизайн мактабининг дизайн ва амалий санъати йўналиши бўйича рассомлар тайёрлайдиган мутахассислар учун мўлжалланган. Ўқувчилар бу фанни ўқиш чоғида маъруза тинглайдилар, суҳбатларда қатнашади, амалий машғулотлар чоғида кичик гиометрик шаклдаги ва хайкаллар одам гавдаси билан ҳам танишиб борадилар. Ўқувчиларни бадиий фикрлаш, ашёлардан тўғри фойдаланиш, уларни технологияси ва ишлаб чиқариш услубларидан юқори савияда фойдаланишни вазифа қилиб қўяди.Ўқув этюди устида ишлаш олдиндан қоралама қилиб олиш ва бевосита этюд чизишдан иборат. Қораламанинг (эскизнинг) вазифаси тасвирланаётган ёки қўйиланаётган (постановканинг) асосий композицион-рангтасвир ечимини аниқлаш, шунингдек, модель пропорцияси, мато ёки қоғознинг ҳажми ва шаклини белгилаш.
Ўқувчи этюд бажаришга киришар экан, аввало қоғоз варағига (матода) қўйилмани (постановкани) жойлаштириб чизиб олади. Ўқитувчи чизилган ишни маъқуллаганидан сўнг, ўқувчи ишни бўёқ билан бажаришга киришади, аввало умумий муносабатларни белгилайди, кейин, унсурларни (деталларни) диққат билан ўргана туриб, иш охирида албатта умумлаштириши лозим бўлади.
Ўқувчи шакл устида ишлаш жараёнида, ранг ва ёруғликнинг ўзаро муносабатларида ранг-баранглигини, натуранинг аниқ тасвирини беришга ҳаракат қилмоғи лозим. Ўқувчи портрет ва шахс устида ишлар экан, тасвирланаётган моделга талаб даражасида ўхшашликка эришиши зарур.
“Рангтасвир” фанининг вазифалари:

• 
  Ўқувчиларга рангтасвир турлари ва ишланиш тартиби, қонун-қоидаларини бўйича тизимли тартибда билим бериш;
  
• 
  ўқувчиларнинг чизишга оид билимларини тизимли тартибда умумлаштириш;
  
• 
  ўқувчиларга қўйилган предметни перспетив кўринишини, нур-соя, ҳажм, ракурс ҳолатларини чизиш жараёнини кетма-кетлигини ўргатиш ҳамда амалий машқларда кўникмаларни ҳосил қилиш;