Ўзбекистон алоқа ва ахборотлаштириш агентлиги тошкент ахборот технологиялари университети ахборот технологиялари факультети

Информатиканинг асосий ташкил этувчилари моделъ, алгоритм ва дастурлашдир.
Модель -(лотинча сўз бўлиб, modolos -ўлчов, намуна, меъёр маъносини билдиради) -кенг маънода бирор обьект ёки объектлар системасининг образи ёки намунаси ёки қискача моделлаштиришдир.
Алгоритм - маълум бир туркумдаги ҳамма масалаларни ечиш учун маълум тартиб билан бажарилиши керак бўлган чекли сондаги буйруклар кетма-кетлигидир.
Алгоритмни аналитик, жадваллар, сўзлар, графиклар (блок-схема) орқали тасвирлаш усуллар мавжуддир. Алгоритм схемаларини график кўринишда тузишда амалларнинг ҳар бир типига блокли белги кўринишида ифодаланган структуранинг таьсир қилиш белгиси деб аталувчи геометрик шакл мос келади.
Алгоритмик тил - белгилар тўплами ва бу белгилардан алгоритмларни ёзиш учун мўлжалланган тил конструкцияларини тузиш ва ифодалаш қоидалари системасидир, қисқа қилиб айтганда дастурлаштириш тилидир.
Дастурлаштириш -дастурларни тузиш усуллари ва йўлларини ўргатувчи фандир.
Дастурлаштириш ижодий ишдир, чунки, катта, аниқ ифодаланган мақсадга эришиш усулларини қидириш умумий ҳолда янги илмни яратиш ёки жалб қилишни талаб қилади.
Ҳар бир Электрон ҳисоблаш машиналари (ЭҲМ) ўзининг дастурлаштириш тилида ёзилган дастурларинигина тушуна олади ва уни ижро этади. Алгоритмик тилни машина тушуниши учун машина тилида ёзилган трансляторлар яратилади.
Бундай трансляторлар ҳар бир тур машина учун бир марта тузилади. Бу турдаги трансляторлар алгоритмик тилдан тўғридан-тўғри машина ёки аввал автокод ёки ассемблерга, сўнгра эса белгилашлар тилида машина тилига таржима қилади. Таржима қилиш жараёнини эса машинанинг ўзи бажаради. Умуман, алгоритмик тилни яратиш қийин эмас, лекин шу яратилган алгоритмик тилдан машина тилига таржима қилувчи транслятор дастурини яратиш оғир масаладир.
Қўйилган масалани ечиш учун машина тилида ёзилган дастур яратилиши керак. Машина тилида дастур тузиш қийин бўлгани учун ЭХМ дан самарали фойдаланиш ва турли масалаларни тез ечишга қулай шароит яратиш мақсадида дастур тузишни автоматлаштирувчи алгоритмик тиллар кашф қилинади. Алгоритмик тил - машина ва дастур тузувчи тилига яқин бўлган оралиқ тил.