Ўзбекистон алоқа ва ахборотлаштириш агентлиги тошкент ахборот технологиялари университети самарқанд филиали

Ўқув фанининг мақсади ва вазифалари
Ўзбекистон Республикасининг телекоммуникация тармоқларида ахборот хажмининг ошиб бориши ва турли хизматларнинг юзага келиши, телекоммуникация тизимлари орқали узатиладиган сигналларнинг сифат кўрсатгичларини юқори бўлишини ва юқори малакали мутахассисларни талаб қилади. Бу «Телекоммуникация узатиш тизимлари» фанининг хозирги даврда долзарблигидан ва аҳамияти юқори эканлигини далолат беради.
Фанни ўқитишдан мақсад – телекоммуникация тармоқларида қўлланиладиган узатиш тизимларининг турлари, уларнинг тузилиш принциплари, хизматларига қараб уларни танлай билиш, уларни техникасидан самарали фойдаланиш, шунингдек таълим стандартида талаб қилинган билимлар, кўникмалар ва тажриба даражасини таъминлашдан иборат.
Фаннинг вазифаси - талабаларга телекоммуникация узатиш тизимлари орқали узатиладиган сигналларнинг турлари ва уларнинг асосий тавсифлари, алоқа тармоқлари бўйича ахборотни узатувчи, мавжуд бўлган ва келгусидаги технологрияларни амалда тахлил қилиш учун билимини мустахкамлаш, шакллантириш, ахборотни узатишга асосланган холатларини ва принципларини, фундаментал тушунчаларини назарий мустахкамлашдан иборат.
Фан бўйича талабаларнинг билимига, кўникма ва малакасига қўйиладиган талаблар
«Телекоммуникация узатиш тизимлари» ўқув фанини ўзлаштириш жараёнида амалга ошириладиган масалалар доирасида бакалавр:
-телекоммуникация тармоқларининг ривожланиш тенденциясини, аналог ва рақамли телекоммуникация узатиш тизимларининг тузилиш принципларини, алоқа каналларининг ва сигналларининг асосий характеристикалари ва уларнинг меъёрларини, телекоммуникация узатиш тизимлари аппаратураси тугунлари ва блокларининг тузилиш принциплари ва ишлашини, сигналларни ажратиш усуллари, ахборотларни узатишда шовқинбардошликни ва алоқа каналларининг ўтказувчанлик қобилиятини ошириш усулларини, узатиш тизимлари орқали турли ўлчашларни амалга ошириш ва хатоликларни аниқлаш усулларини, базавий ва амалий дастурий таъминотни, уларни техникасидан фойдаланишни билишии шарт;
- телекоммуникация тармоқларида қўлланиладиган узатиш тизимлари, уларнинг ҳолатлари, канал ва трактларнинг меъёрлари, бузилишларни ўлчаш ва созлаш, сигналларни қайта тиклаш усуллари шунингдек тўлалигича асосий назарий саволларни тахлил қилиш кўникмаларига эга бўлиши керак;
- талаба сигналларни узатишга мўлжалланган замонавий тармоқлар хақида тўлиқ шаклланган тассавурга эга бўлиш учун, сигналларни чизиқли ва ночизиқли қурилмалардан ўтишини, берилган сигналлар ва занжирларни тахлил қила билиши, сигналларни узатувчи тизимлари, бундай тизимларнинг алоҳида ташкил этувчиларини, канал ва трактларнинг асосий характеристикаларини тахлил қилиш, ўлчаш аппаратураси билан ишлаш, амалиёт ўтадиган жойда реал тизимлар ва алоқа каналлари билан ишлаганда, турли шароитларда сигналларни узатишга асосланган билим ва малакаларга эга бўлиши лозим.