Ўзбекистон алоқа ва ахборотлаштириш агентлиги тошкент ахборот технологиялари университети самарқанд филиали

9.2.Маъруза, уни эшитиш ва ёзиб олиш ҳақида
Маъруза – олий таълим муассасасида ўқитишнинг асосий туридир.
1.Маърузада назариянинг асосий қоидалари, унинг тушунчалари ва қонунлари баён етилади, шунинигдек, назарияни амалиёт билан боғланишини кўрсатувчи фактлар келтирилади.
2.Маъруза арафасида аввалги ўтилган маърузанинг мазмунини такрорлаш (шунингдек, мактаб ва лисей дарсликларида ўтилган мавзуга оид бўлган назарияни, агар бу мавзу уларда берилган бўлса, ҳам такрорлаш).
3.Маърузаларнинг доимий конспекти (ёзуви)ни ёзиб бориш фойдали: тушунарли бўлмаган саволларга маъруза мавзуси бўйича ўқув қўлланмалар устида ишлаш учун, жой қолдириш мақсадга мувофиқ.
4.Маърузалар алоҳида дафтарга ёзилиши, унда мустақил ишлаш вақтида қўшимчалар киритиш учун жой қолдириш тавсия қилинади.
5.Маърузаларни конспект қилишда боблар ва бўлимлар, параграфлар алоҳида қайд қилиниши, асосийларининг тагига чизилиши лозим.


9.3.Амалий машғулот, унга тайёрланиш ҳақида
1.Амалий машғулот – олий таълим муассасида ўқув машғулотларининг энг фаол тури ҳисобланади. Унгача маърузалар ва ўқув қўлланмалар устида мустақил ишлаш талаб қилинади.
2.Ҳар бир амалий машғулотга тайёргарлик кўриш лозим. Тайёргарликни назарияни (маърузалар ёзувлари ёки ўқув қўлланма бўйича) такрорлашдан бошлаш, сўнгра тавсия қилинган масалаларни ечишга ўтиш мақсадга мувофиқ.


9.4. Амалий машғулотлар, уй вазифалари ва контрол ишлар учун берилган материаллардан фойдаланиш

1. 
   Ҳар бир амалий машғулот материаллари:
   

а) назария бўйича (назарий) саволлар (ўз-ўзини текшириш учун);
б) назарий топшириқлар (уларни ёзма равишда бажариш тавсия қилинади);
с) дарсда ечиладиган ва мустақил ечиш учун берилган мисолларлардан иборат.

2. 
   Берилган мисоллар, шартли равишда, учта савияга бўлиниши мумкин:
   

А гуруҳ – минимал (савиядаги) талабларга жавоб берадиган мисол ва масалалар.
Б гуруҳ – ўртача (савиядаги) талабларга жавоб берадиган мисоллар.
C гуруҳ – юқори (савиядаги) талабларга жавоб берадиган мисоллар.
Изоҳ. А гуруҳдаги ҳар қандай масалани еча олган талаба 56-70 баллга , Б ва C гуруҳлардаги масалаларни еча олган талабалар, мос равишда, 71-84, 85-100 баллга даъвогар бўлиши мумкин.