Ўзбекистон алоқа ва ахборотлаштириш агентлиги тошкент ахборот технологиялари университети самарқанд филиали

Фаннинг ўқув режадаги бошқа фанлар билан ўзаро боғлиқлиги ва услубий жихатдан узвий кетма-кетлиги
«Телекоммуникация узатиш тизимлари» фани мутахассислик фани ҳисобланади. Дастурни амалга ошириш, ўқув режасида режалаштирилган математик ва табиий-илмий (олий математика, физика), умумкасбий (электр занжирлари назарияси, электроника, схемотехника, алоқа линиялари, оптик алоқа асослари,), ихтисослик (рақамли коммутация тизимлари) танлов (алоқа қурилмаларини электр таъминоти), фанларидан етарли билим ва ва кўникмаларга эга бўлишликни талаб этади.
Фаннинг ишлаб чиқаришдаги ўрни
Телекоммуникация узатиш тизимлари сигналларни шакллантириш, мультиплексорлаш, электрик сигналларни оптик сигналларга ўзгартириш ва алоқа линиясига узатиш, регенерациялаш, қабул қилувчи қисмда сигналларни қайта тиклаш вазифаларини бажаради. Асосан магистрал, регионал ва махаллий тармоқларда кенг қўлланилади.
Фанни ўқитишда замонавий педагогик ва ахборот
технологияларнинг қўлланилиши
Талабаларни «Телекоммуникация узатиш тизимлари» фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион педогогик технологияларни татбиқ қилиш муҳим аҳамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари ва уларнинг электрон версиялари, маълумотлар электрон базасидан, виртуал лаборатория ишлари, макетлардан, ўқув жараёнига мўлжалланган узатиш тизимларидан фойдаланилади. Маъруза ва лаборатория дарсларида мос равишдаги илғор педогогик технологиялардан фойдаланилади.


Асосий қисм
Телекоммуникация узатиш тизимлари фани бўйича маърузаларнинг мавзулари
Телекоммуникациянинг ривожланиш тенденцияси. Телекоммуникация узатиш тизимлари техникасининг асосий вазифалари ва уларни алоқа тармоқларида тутган ўрни Асосий таъриф ва тушунчалар: асосий тушинчалар ва таърифлар, узатишнинг логорифмик бирликлари, канал, тармоқ ва унинг турлари.
Узатиш тизимларининг тузилиш принциплари
Телекоммуникациянинг бирламчи сигналлари ва уларнинг физик тавсифлари, узатиш каналлари ва уларнинг характеристикалари, меъёрлари. Икки томонлама каналлар. Дифференциал қурилма, икки томонлама канал ва унинг мувозанати, қолдиқ сўниш, сатх диаграммаси. Электрик акс садо ҳодисаси. Кўп каналли узатиш тизимларининг тузилиш принципи. Каналлари частота бўйича ажратилган узатиш тизимларининг тузилиш принципи. Канал сигналларининг шаклланиши. Частоталарни кўп марта ўзгартириш принципи. Аналог узатиш тизимларининг линия трактини тузилиши, канал ва трактлардаги шовқинлар. Шовқинларга қарши кураш.