Ӛзбекистан Республикасы жоқары ҳәм орта арнаўлы билим министрлиги Қарақалпақ мәмлекетлик университети

Глифтал (алкид) линолеум
матоли
тийкарда узынлығы кеминде 20 м, ени 1,8-2,0 м 
ҳәм қалыӊлығы 2,5-5 мм ӛлшемлерде ислеп шығарылады. Глифтал линолеумлар реӊли ямаса 
баспа сүўретли болады. Олар тийкарынан жәрдемши имаратларда поллар қурыў ушын 
ислетиледи. 
Коллоксилин (нитроцеллюлоза) линолеумы тийкарсыз ҳалда, узынлығы 20 м, ени 1-1,6 
м ҳәм қалыӊлығы 2-4 мм ӛлшемлерде шығарылады. Олар қызыл ҳәм қоңыр реӊде болады. 
Коллоксилин линолеумы нурға, ығалға, суўыққа шыдамлы, эластиклиги ҳәм 
ийилиўшеңлиги жоқары, желиниўге шыдамлы болады, экплуатация процессинде зыянлы 
бирикпелерди ажыратып шығармайды. Олар жаныўшаң болғаны ушын бақша, мектеп, театр 
сыяқлы имаратларда ислетилмейди. 
Резиналы линолеум (релин)
еки қатламлы орама материал болып, тӛменги қатламы 
дәслеп ислетилген резина порошогы ҳәм нефт битумы, асбест ҳәм жип-гезлеме дисперс 
арматуралардан азғана муғдарда қосылған, вулканизацияланған араласпасы бирикпесинен 
ибарат. Релинниң жуқа (1-1,5 мм) ҳәм беккем үстиңги бӛлеги синтетикалық каучук 
тийкарында порошок толтырғыш қосып таярланған реӊли резинадан қуралған. 
Релин узынлығы кеминде 12 м, ени 1-1,6 м ҳәм қалыӊлығы 3 ҳәм 5 мм орама ҳалда 
шығарылады. Релин ыссылық ҳәм даўыс изоляциясы қәсийетине ийе болыўы ушын 
қалыӊлығы 4-6 мм ли ячейкалы геўек тийкарда таярланады. Релин реӊли, мрамор тәризли 
сүўретли ҳалда болады. Ол суў, кислоталы ҳәм силтили араласпалар тәсирине шыдамлы, 
электр токи зарядларын топламайди ҳәм ушқынланбайды. 
Релин тийкарында жәмийетлик ҳәм санаат имаратлары, жәрдемши бӛлмелер ҳәм басқа 
агрессив орталық тәсиринде болатуғын бӛлмелердиң полларын қаплаўда ислетиледи. 
Тҥкли синтетикалық гилем
еки қатламлы орама материал болып, үстиңги қатламы 
болса кӛпиртирилген ыссылық изоляциясы тәбийий ҳәм синтетикалық полимерлер 
(полиуретан) ҳәм латекслерден ибарат болады. Гилем қапламаның улыўма қалыӊлығы 8 мм 
болса, капрон түгиниң бийиклиги 3 мм, кӛпиртирилген тийкар бийиклиги 5-6 мм болады. 

---

180 
Гилем узынлығы 12 м ге шекем, ени 1-4 м ге шекем ҳәм қалыӊлығы 8 мм болған ҳалда 
таярланады. Гилем реӊи түрлише болыўы мүмкин. 
Түкли синтетикалық гилем ыссылық изоляциясы ҳәм даўыс жутыўшы, желиниўге 
шыдамлы, беккем, ығаллап тазалаў мүмкин болған материал есапланады. Тийкарғы 
қәсийетлеринен бири жалын тәсиринде жанбастан,
 
тек
 
ерийди. 
Синтетикалық гилем бӛлмеге қурғақлайын тӛселеди ҳәм ҳәр тәрепинен арнаўлы 
профилли плинтуслар менен беккемленеди. Олар тийкарында мийманханалар, аудиториялар, 
кино-концерт заллары, театр имаратлары поллары қапланады.