Ӛзбекистан Республикасы жоқары ҳәм орта арнаўлы билим министрлиги Қарақалпақ мәмлекетлик университети

Погонажлы асбоцемент буйымлар. 
Оларға узынына ӛлшеўли буйымлар-швеллерлер, 
терезе асты плиталары, парапет бӛлимлери ҳәм басқа экструзия усылында алынған 
буйымлар киреди. Швеллерлер дийўал ушын плита ҳәм панеллер каркасларын таярлаўда 
ислетиледи. 
Трубалар.
Асбоцемент тийкарында басымлы ҳәм басымсыз трубалар ислеп 
шығарылады. Басымлы трубалар 0,6-1,8 МПа жумысшы басымға мӛлшерленген болып, ВТ6, 
ВТ9, ВТ12, ВТ15, ҳәм ВТ18 классларда болады. Олар суў узатыў системаларында 
ислетиледи. Трубалар узынлығы 3 м ден 6 м ге шекем, диаметри 100-500 мм болады. 
Басымсыз трубалар (БНТ) нефт ҳәм газ узатыўда, канализация, дренаж, 
шығындыларын узатыў системаларында, телефон кабеллерин жатқызыўда, тутин ҳәм 
самаллатыў каналларында ислетиледи. Асбоцемент газ узатыў трубалары газ басымы 0,5 
МПа ға шекем болған системада ислетилиўи мүмкин. 
Газ узатыў трубалары ишки тәрептен полипропилен, полиэтилен сыяқлы 
термопластикалық орама материаллар ямаса эпоксид, полиэфир полимерлери тийкарындағы 
композицион мастикалар менен газ ӛткизбейтуғын қапламалы ҳалда ислеп шығарылыўы 
мүмкин. Суў узатыў ҳәм канализация трубалары асбоцемент муфталар менен 
бирлестириледи. Айрым ҳалларда шойын муфталар да ислетилиўи мүмкин. 
Арнаўлы асбоцемент буйымлар.
Асбоцемент тийкарында самаллатыў ҳәм ҳаўаны 
тазалаў системаларында ислетилетуғын қутылар (коробалар) таярланады. Қутылар домалақ 
ҳәм туўры тӛртмүйешли кесимли, бир бирине жалғаў мақсетинде еки тәрепи ямаса бир 
тәрепи ашық етип таярланады. Қутылар узынлығы 300х300 мм ге шекем, дийўал қалыӊлығы 
10 мм ӛлшемлерде болады. 
Арнаўлы асбоцемент буйымларға тӛмендеги басқа буйымлар киреди: труба узатыў 
системаларының ыссылық изоляциясы қатламын қорғаўшы ярымцилиндрлер, электр 
изоляциясы тахталары, жазғы үйлерди жабыўда ислетилетуғын ири ӛлшемли (5 м ге шекем) 
еки тәрепке қыялы листлер, басқа буйымлар ҳәм бӛлимлар киреди. 
Асбоцемент буйымлар ислеп шығарыўда пайда болатуғын (1-8%) шығындылар екинши 
мәрте кем муғдарларда буйымлар таярлаўда, экструзив усылда алынатуғын погонаж 
буйымлар алыўда ҳәм минерал пахта таярлаўда шийки зат сыпатында ислетиледи.