Ӛзбекистан Республикасы жоқары ҳәм орта арнаўлы билим министрлиги Қарақалпақ мәмлекетлик университети

21.4-сҥўрет. Экструзион асбоцемент пердедийўал панеллер 
а) мүйеш: б) ӛтиўши 
“Джонс Мэнвилл” (АҚШ) фирмасы ислеп шығарып атырған экструзион дийўал ушын 
панеллер буйымның узақ мүддет ислеўин тәмийинлейтуғын акрил полимерлери тийкарында 
алынған реӊли композициялар менен қапланған болып, турақ жай ҳәм жәмийетлик 
имаратлар қурылысында ислетиледи. 
Сыртқы дийўал ушын асбоцемент панеллер ағаш каркасқа үш қатламлы етип, ортасына 
ыссылық изоляциясы материалы қойылған ҳалда ислеп шығарылады (21.5-сүўрет). Олар 
жыйналмалы ҳәм монолит усылда қурылатуғын турақжай имаратлары ҳәм гербишли үйлер 
қурылысында сыртқы дийўал сыпатында ислетиледи. 
21.5-сҥўрет. Дийўал ушын асбоцемент панел 
 

---

147 
Панеллер узынлығы 2980 ҳәм 5980 мм, бийиклиги 2780 мм, ҳәм 3280 мм, қалыӊлығы 
160 ҳәм 210 мм. Панеллер сыртқы тәрепине ислетилетуғын листлер тегис ҳәм релефли, күл 
реӊ ҳәм ақ (ақ цемент тийкарында) ҳәмде реӊли (реӊли цемент тийкарында) безекли болыўы 
мүмкин. 
Манзарали буйымлар.
Манзарали асбоцемент буйымлар манзарани пайда етиў 
усылына қарай еки топарға бӛлинеди. 
Биринши топарға тӛмендеги асбоцемент листлер киреди: релефли; пүтин қалыӊлығы 
бойынша ақ ҳәм реӊли цементлер ислетип боялған ямаса бети боялған; минерал ҳәм 
синтетикалық бояўлар ҳәмде реӊли сеппе материаллар (реӊли қум, шийша майдасы ҳәм т.б.) 
менен қапланған ҳәм басқалар. Листли буйымлар әпиўайы релефли ҳәм қурамалы релефли 
болыўы мүмкин. Олар балкон ҳәм ложаларды ораўда, павилионларды ораўда, вестибюл ҳәм 
лесница тосықларын қаплаўда, сантехкабиналарда ҳәм басқа орынларда ислетиледи. 
Екинши топарға тӛмендеги манзарали асбоцемент листлер киреди: ноорганикалық 
байланыстырыўшылар тийкарындағы композициялар менен боялған; синтетикалық эмаллар 
ҳәм бояўлар менен боялған; пленкалы материаллар менен қапланған. Олар имаратларды 
сыртқы ҳәм ишки тәрептен манзарали қаплаўда, балкон ҳәм ложаларды ораўда ҳәм басқа 
орынларда ислетиў усыныс етиледи.