Ӛзбекистан Республикасы жоқары ҳәм орта арнаўлы билим министрлиги Қарақалпақ мәмлекетлик университети

Поток-агрегат усылында 
ҳәмме технологиялық операциялар-қәлиплерди тазалаў ҳәм 
майлаў, арматураны жайластырыў, қәлиплеў, ыссылық пенен қайта ислеў, қәлиплерден 
босатыў арнаўлы постларда әмелге асырылады. 
Арнаўлы постлар механизм ҳәм агрегатлар менен үскенеленген болады. Темирбетон 
буйым ҳәм конструкциялар қәлиплер менен биргеликте постдан постқа транспорт қураллары 
жәрдеминде кӛшириледи. Постларда орынланатуғын технологиялық операциялардыӊ түрине 
қарап жумысларды орынлаў ўақты 2-5 минутдан 6-12 саатқа шекем болыўы мүмкин. 
Бул усылда технологиялық циклди сақлаў мақсетинде узақ даўам ететуғын қурамалы 
операциялар орынланатуғын постларда механизм ҳәм агрегатлар саны бир неше болыўы ҳәм 
усыған муўапық жумысшы күши кӛбирек болыўы керек. 
Поток-агрегат усылында қәлип ҳәм буйымлар постдан постқа кӛпир краны жәрдеминде 
кӛшириледи. Бул усыл технологиялық жақтан бир қанша қурамалы болып, үлкен ислеп 
шығарыў майданларын, ири капитал қаржыларды талап етеди. Бул усылда кеӊ 
номенклатурадағы темирбетон буйым ҳәм конструкциялар ислеп шығарыў мүмкин. 
Поток-агрегат усылы әдетда жылына 60-100 мыӊ м
3
буйым ислеп шығаратуғын орташа 
қуўаттағы темирбетон заводларда ислетиледи. 
Конвейер усылында 
темирбетон буйым ҳәм конструкциялар таглик-арбашаларда 
белгиленген қатаӊ ритмде технологиялық поток бойлап ҳәрекетленеди. Бул усылда 
технологиялық операциялар ҳәр бир постда бӛлек-бӛлек орынланады. Постлар саны ҳәм 
технологиялық үскенелер түри орынланатуғын операциялардыӊ даўамлылығы менен 
белгиленеди. 
Конвейер усылында тийисли постларда зәрүр болған бӛлеклер, ярым фабрикатлар: 
арматура каркаслары, бетон араласпасы, пардозлаў араласпалары ҳәм қаплаў плиткалары 
ҳәм т.б. технологиялық операцияларды орынлаў ушын таяр ҳалда болады ҳәм үзликсизликти 
тәмийинлейди. Буйымларды термикалық қайта ислеў камералары горизонтал ҳәм вертикал 
үзликсиз ислейтуғын камералардан ибарат болады. 
Конвейер усылы үлкен қуўатлы бир қыйлы типлердеги буйым ҳәм конструкциялар 
ислеп шығаратуғын заводларда ислетиледи.