Ózbekistan respublikasí joqarí HÁm orta arnawlí bilimlendiriw ministrligi

Korol hám shirkew. Absolyutizm XVII ásirdiń ekinshi yarımında Franciyada eń rawajlanǵan formaǵa kirdi. Barlıq Evropa monarxları Lyudovik XIV ke uqsawǵa urınatuǵın edi. Absolyut monarxlar húkimranlıǵı sonshelli kúshli edi, olardan ayrımları hátte shirkew hám monastr múlkine kóz súziwdi de ózilerine qolay kórdi, shirkew shólkemlerin boysındırıwǵa háreket qılatuǵın edi. Rim papasına “qolǵaptı taslaw”ǵa (orta ásirlerde duelge usılayınsha shaqırılǵan) batınǵan birinshi monarx Angliya koroli Genrix VIII boldı. Ayrım bir evropalıq monarxlar, kerisinshe papa olardıń da hákimyatın bekkemleydi dep esaplap, katolik dinin bekkemlew ushın gúresetuǵın edi. Olar mámlekette ózbasımshalıq háwij alıwınan, ishki kelispewshiliklerden qorqatuǵın edi.

Germaniya hám Italiyada XVI ásirde ele oraylasqan mámleket qáliplespegen edi. Bul jerlerde kishi, bir-biri menen turaqlı urıs qılıp atırǵan mámleketler bolıp, olarda sheklenbegen yaki derlik sheklenbegen hákimiyat monarxlar qolında edi. Bul mámleketler atına ǵana “Muqaddes Rim imperiyası”na boysınatuǵın edi. Veneciyada, tawlı Shvecariyada hám Niderlandiyada respublika dúzimi bar edi.