Ўзбек тили ва адабиёти кафедраси шахсий режалари

Fanning maqsadi va vazifalari

Fanning maqsadi – muayyan malakaga ega matnshunos mutaxassislar tayyorlash, talabalarda “Matnshunoslik” fani bo’yicha etarli bilim, malaka va ko’nikma hosil qilish, ularni qadimiy merosimizga hurmat va muhabbat ruhida tarbiyalash hamda kelajakda ilmiy faoliyat bilan shug’ullanishlari uchun zamin hozirlashdan iborat.

“Matnshunoslik” fanining vazifalari – talabalarda shu fanning asosiy masalalari, mavzulari, xulosalari, umumlashmalarihaqida tasavvur tug’dirish, eski o’zbek yozuvidagi manbalarni o’qish, uqish, tahlil va talqin qilishga o’rgatish. qadimiy matn adabiy-badiiy asar tahliliga o’rgatishdan iborat.

Fan bo’yicha talabalarning bilim, ko’nikma va
malakalarigaqo’yiladigantalablar

“Matnshunoslik” fani bo’yicha talaba matnshunoslikda va tilshunoslikdagi matn tushunchasining farqi, arab yozuvi tarixi, matnshunoslikning dolzarb muammolari, tabdil,transkriptsiya, transliteratsiya, mumtoz matnlarni tushunishda lug’at ilmining o’rni haqida tasavvurga ega bo’lishi, eski o’zbek yozuvini, qo’lyozma kitobda unvonning ahamiyatini, mumtoz matnda ilmiy ko’rsatkich imkoniyatini, qo’lyozma turlarini, katologlardagi ilmiy tavsif tuzilishini bilishi va ulardan foydalana olishi, nasta’liq xatidagi toshbosma va qo’lyozma kitoblarni o’qiy olish, XX asr boshi isloh qilingan alifboni o’qib tushunish, nazmni nasriy bayon qilish, mumtoz matnni muxtasar va to’la sharhlash, adabiy manbani tasniflash ko’nikmalariga ega bo’lishikerak.

Fanning o’quv rejadagi boshqa fanlar bilan o’zaro bog’liqligi va
uslubiy jihatdan uzviyligi

“Matnshunoslik” fani asosiy ixtisoslik fanlardan biri hisoblanib, Filologiya va tillarni o’qitish (o’zbek filologiyasi) yo’nalishi bo’yicha 6-semestrda o’qitiladi. Ushbu fan dasturi “Til tarixi”, “O’zbek xalq og’zaki ijodi”, “O’zbek mumtoz va milliy uyg’onish adabiyoti”kabi umumkasbiy fanlar bilan uzviy bog’langan bo’lib, ushbu fanlarda aks etgan ayrim adabiy-nazariy masalalarni qamrab olishi jihatidan uyg’unlik kasb etadi.