Ўзбек халқ эртаги асосида Қорасоч пари

Maндалор қироли: Аммо бизлар қизингизга ошиқмиз.
					Шом шоҳи: Маликага ошиқ инсон унинг халқига ҳам озор бермайди. Шунинг учун ҳам сизларга ҳамкорликни таклиф этаяпман. Қизимнинг кимга ёр бўлишини эса вақт кўрсатади. Эртакчи: Қўшни давлат шоҳлари Шом юрти ҳукмдорининг бундай уддабуронлигидан ҳайратга тушибди. Шомнинг даромади ҳақида яхши билган шоҳлар унинг таклифига рози бўлибдилар. Улар орасидаги Ғарб шоҳи эса норози, бироқ ҳаммага қарши чиқолмаслигини билиб, индолмай жахл билан чиқиб ўз салтанатига жўнаб кетибди. Базм бошланиб, меҳмонлар мамнунлик билан шоҳга назар соладилар. Шоҳнинг эса муаммонинг бундай ҳал этилганидан ҳурсандлиги юзидан маълум эди.
	Шом. Сарой. Оқшом.				Саройда базм давом этаяпти. Малика эса ўз хонасида канизаклари билан гўзал куйга рақс тушаяпти. Шунда канизаклардан бири: Канизак: Маликаи олам, бирон-бир шаҳзодага турмушга чиқмоқчи эмасмисиз? Яхши инсонга ёр бўлиш ҳар бир қизнинг орзуси, ахир! Малика ўйланиб қолади. Камера маликанинг ўйланиб қолган юзидан аста узоқлашади ва юқорига кўтарилади. Бунда кун ва тун алмашишидан орадан вақт ўтганлиги билинади.
	Шом. Сарой. Кун.				Шоҳ мамнун табассум билан қизини ўз ҳузурига чақирибди. Қорасоч пари канизлари билан отасининг ёнидаги тахтга келиб ўтирганида, вазирлардан бири сўзга чиқади. Вазир: Шоҳим, маликамизга беклар ва шаҳзодалардан келаётган совчилар кундан кун кўпайиб боряпти. Бироқ малика уларга рад жавобини бериб, шаҳзодаларни ўз юртларига қайтариб юборяптилар. Улар ҳам эрта бир кун юртимизга қилич кўтариб келиши мумкин. Мана ҳозиргина яна бир нечта шаҳзодалардан совчилар келиб, жавобингизни кутиб ўтирибдилар.
					Шоҳ қизига юзланади. Шоҳ: Кўзимнинг нури, ақлли қизим, мен қари отангга раҳмингиз келсин, сизни тўйингизни кўрсам дейман. Шу келган шаҳзодалардан бирини танлаб олинг, гапимни икки қилманг! Қорасоч пари ўйга толди. Қорасоч пари: Отажон, мен ёр танлайдиган оддий қиз эмас, маликаман. Мен талаган инсон мен билан турмуш қуриб келажакда юртимизга шохлик қилади, юртимизни бошқаради шундай экан доно ва ақлли мендан кўра халқимни кўпроқ яхши кўрадиган инсон танламоғи керак. Отажон, бир қарорга келишим учун менга етти кун муҳлат беринг.