Ўзбек халқ эртаги асосида Қорасоч пари

Вазирлардан бири: Шоҳим, бир қошиқ қонимдан кечинг! Бирортамиз ҳам бу ҳолатда қандай йўл тутишни билмаймиз. Бу вазиятда маликаи-оламга юзланмоқ тўғри бўлур.
	Шоҳ саройи. Қорасоч парининг хонаси. Кун.				Шоҳ номаларни олиб, Қорасоч парининг ҳузурига келади. Малика етти иқлим подшоларининг номаларни ўқиб, нима қиларини билмай, ўйланиб қолибди. Шоҳ: Қизим, буни умр савдоси дейдилар, турмушга чиқишингиз керак! Қолаверса, сиз аввало шу юртнинг маликасиз, унинг тақдирига бефарқ бўлманг, сиз туфайли халқ озор чекмоғи дуруст иш эмас! Қорасоч пари (ҳижолат ва афсус билан): Отажон! Мени кечиринг. Аммо танимаган-билмаган инсонни танламоқ ҳам тўғри иш эмас, аслида! Шоҳ қизининг чорасизлигини кўриб, унга раҳми келади, бироқ буни сездириб қўймаслик учун тезликда қизининг хонасидан чиқиб кетади.
					Эртакчи: Шоҳ ягона фарзандининг ҳомушлигидан қаттиқ таъсирланибди. Қандай бўлмасин қизини ғанимлар зулмидан қутқармоқчи бўлибди ва халқига озор бермаслик йўли ҳақида ўйланиб қолибди.
	Шом сарой йўлаги				Шоҳ йўлакда бироз тўҳтаб, ўйланиб қолади ва ёнидаги хизматчисига юзланади. Шоҳ: Мирзога айт, оқшом зиёфати учун номаларни ёзиб, уларни чопарларга тақдим этсин!Ошпазлар зудлик билан оқшом зиёфати тараддудини кўрсинлар!
	Шом юрти. Шоҳ саройи. Оқшом. зиёфат				Оқшом маҳал сарой безатилган, ҳамма ернинг фонуслари ёқилган, меҳмонхонага эса ипак гиламлару, дуҳоба кўрпачалар тўшалиб, пар ёстиқлар қўйилган эди. Етти иқлим подшолари меҳмонхонада Қорасоч паридан бирон ҳабар кутиб, овқатланиб ўтирардилар. Раққосалар созандалар мусиқасига гўзал рақсни ижро этяптилар. Меҳмонхонага Шоҳ ўз вазирлари билан савлат тўкиб кириб келади ва дастурхон тўрига жойлашади.
					Шоҳ: Ҳуш келибсиз, азиз меҳмонлар! Меҳмонлар Шоҳга ўтирган жойларидан таъзим қилиб, жойларида ўтирадилар. Сарой сув қуйгандек, жим –жит бўлиб қолади.
					Шоҳ: Сизнинг юборган номаларгизни ўқиб чиқдим. Сизларнинг ҳар бирингиз қизимга рафиқаликни таклиф этаяпсизлар. Бироқ малика ёлғиз, сизлар эса кўпсиз. Унинг ҳали турмушга чиққиси йўқ. Мен ҳам сизлар билан қўшничилик одатимизни йўққа чиқаргим келмаяпти. Сизларга маълумки, малакатимиз савдо-сотиқ бўйича илгарилаб бораяпти. Агар рози бўлсангиз, сизлар билан савдо-сотиқ ишларини йўлга қўйсак, ҳар бирингиз инимдек бўлсангиз, дегандим.