Zaripova Matluba Qulfitdinovna

kirish
” va “
chiqish
”ini ko‘rib chiqaylik (sxemaga qarang).  

---

34 
 
 
 
 
Tizimni  “kirish”  qismida  turli  darajadagi  o‘quv  va  ishlab  chiqarish 
tayyorgarligiga  ega  bo‘lgan  abiturietlar  joylashgan.  Masalan,  2007  yilda 
Toshkent viloyati pedagogika institutiga o‘qishga kirganlar quyidagicha ijtimoiy 
saviyaga  ega  bo‘lishgan:  ish  stajiga  ega  bo‘lganlar  –  23%,  pedagogika  kolleji 
bitiruvchilari – 11.6%, boshqa o‘quv yurtlari bitiruvchilari – 0,4%, o‘rta maktab 
bitiruvchilari (o‘qishga kirish paytida) – 42%, armiyada xizmat o‘taganlar -23%. 
Keltirilgan  foizlar  birinchi  kurs  talabalari  innovatsion  tayyorgarligining 
boshlang‘ich  saviyasini  belgilash  uchun  muhim  argument  bo‘lish  bilan 
birgalikda ularning ko‘p qirrali murakkab jarayon bo‘lgan pedagogika oliy ta’lim 
muassasasida  ta’lim  olish  shart-sharoitlariga  moslashishini  ham  ko‘rsatadi. 
Ishlab chiqarishda ishlash tajribasiga ega bo‘lgan abiturient OTMda tayyorlash 
talablariga tez moslashib ketadi; o‘qituvchi kasbiga nisbatan hurmat uyg‘onadi. 
Lekin  abiturientda  shakllangan  bozor  iqtisodiyoti  sharoitida  pedagogik 
faoliyatning maxsus ko‘rinishi bo‘lgan innovatsion tayyorgarlik vazifalari bilan 
bevosita bog‘liq bo‘lgan bilim va malakasi bo‘lmaydi. Talabalarning innovatsion 
tayyorgarligi  mazmuniga pedagogika oliy ta’lim  muassasasida  yillar davomida 
shakllangan innovatsion o‘qitish nazariyasi va uslubiyoti unsurlari kirishi kerak 
(o‘quv jarayonini tashkil qilishga yangicha  yondashuvlar nima uchun kerakligi 
va ularni qanday amalga oshirish mumkinligini bilish zarur). 
Pedagogik tizimning “chiqish” qismi pedagogika oliy ta’lim muassasasi 
bitiruvchilarining  o‘rta  maktabdagi  o‘quv-tarbiya  ishlariga  kasbiy  tayyorligi 
bilan  bizning  holatda  innovatsion  faoliyatni  amalga  oshirishga  tayyorligi  bilan 
tavsiflanadi.  Bitiruvchilar  innovatsion  tayyorgarligining  amaldagi  darajasi 
to‘g‘risida  tashxizlashlash  vositalari  yordamida  olingan  ma’lumotlar  oldindan 
belgilangan maqsadga erishish uchun tizimga o‘zgartirishlar kiritish kerakligini