Зарифахон Маматқулова Улуғбек Пўлатов

Қандай ҳолларда ўқувчиларга мобил телефон ишлатишга рухсат берилади? 
Ўқувчилар мактабга киришдан олдин, катта танаффус ва танаффусларда ота-оналари, 
васийлари ёки яқинлари билан таълим муассасасига етиб келганлиги, ўзининг хавфсизлиги ва 
саломатлиги тўғрисида, охирги дарсдан кейин (ёки маълум сабабларга кўра аввалроқ) таълим 
муассасасидан кетаётганлиги тўғрисида хабар бериш учунгина мобил телефондан 
фойдаланиши мумкин. 
Шунингдек қуйидагилар қатъиян тақиқланади: 
🔹
телефонини бўйнига осиб олиш, кўкрак чўнтакларида, шим, юбкалари чўнтакларида ва шу 
кабиларда сақлаш; 
🔹
телефон аккумуляторини зарядлаш учун таълим муассасаси электр тармоқларига улаш; 
🔹
телефон орқали сўзлашиш ҳамда SMS (ММS) ва бошқа турдаги хабарларни жўнатиш; 
🔹
телефонни стол устига қўйиш, мусиқа, шу жумладан наушниклар орқали тинглаш; 
🔹
суръат ва видео тасвирларни кўрсатишда телефондан фойдаланиш (ўйинлар билан 
шуғулланиш), тасвир (матн, расм, видеоёзув ва фотосуратлар) кўриш, диктофон, калькулятор, 
календарь, блокнот, ён дафтарча кабилар сифатида фойдаланиш; 
🔹
суръатга олиш ва видео тасвирга тушириш, телефон (GPRS, Bluetooth, Интернет ва шу 
кабилар) орқали бошқа хизматлардан фойдаланиш. 
КУЗАТУВ КЕНГАШИ ЙИҒИЛИШ ЎТКАЗМАСА КИМ АЙБДОР БЎЛАДИ ??? 
#Савол 
Мен мактаб директориман. Мактабимизда кузатув кенгаши таркибини тузганмиз. 
Лекин, Кенгаш аъзолари умуман мактабга келишмайди. Яқинда ХТБдан текширув бор 

---

200 
дейишганди. Агар Кенгаш фаолиятига оид йиғилиш баёнлари мавжуд бўлмаса бунда ким 
айбдор бўлади? 
#Жавоб 
Кузатув кенгашининг мақсади таълим жараёнининг шаффофлигини таъминлаш, 
жамоатчилик таъсирини кучайтириш, ўқувчиларнинг сифатли таълим олишлари, уларга 
тегишли шарт-шароитлар яратиш ҳамда таълим-тарбия жараёнларини қўллаб-қувватлаш 
ҳисобланиб, кенгаш фаолиятига туман (шаҳар) халқ таълими бўлими аралашмайди ва унга 
ҳисобдор эмас. 
Агар таълим муассасасида кузатув кенгаши тузилган бўлсада лекин, ҳеч қандай 
йиғилишлар ўтказмаса ёки ўз ваколатлари доирасида ҳеч қандай ишларни амалга оширмаса 
бунга таълим муассасаси раҳбарлари айбдор ҳисобланмайди. 
Кенгаш йиғилишлари камида уч ойда бир бор ўтказилиб туриши керак. Бунда Кенгаш 
раиси: 
• Кенгаш йиғилишларига раислик қилади; 
• Кенгаш йиғилишини чақиради ва ўтказади; 
• Кенгаш ҳужжатларини (баённома, қарорлар, тавсияномалар) имзолайди, уларни тўғри 
ва тўлиқ расмийлаштирилиши учун масъул ҳисобланади. 
Кенгаш йиғилиши ўтказилишидан камида 10 кун олдин йиғилиш ўтказиладиган кун, 
вақти, жойи ва муҳокама этиладиган масалалар ҳақида кенгаш аъзолари хабардор қилиниши 
лозим. Кенгаш аъзоларини хабардор қилиш учун Кенгаш раиси масъул ҳисобланади. Мактаб 
директори эса Кенгаш ишини ташкил қилиш (ҳужжатларни расмийлаштириш ва сақлаш учун 
зарур бўлган хона, таълим муассасаси фаолияти билан боғлиқ маълумотлар ва канцелярия 
жиҳозлари билан таъминлаш) учунгина масъул ҳисобланади.