Ўзархив” агентлигининг 2017 йил якунлари бўйича ҳисоботи I. Молиявий иқтисодий кўрсаткичлар

2.2. Фаолиятнинг норматив-ҳуқуқий базасини такомиллаштиришга қаратилган тадбирлар бўйича:
1. Ўзбекистон Республикаси Президентининг 2017 йил 7 февралдаги “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги ПФ-4947-сон Фармонининг ижросини таъминлаш мақсадида Агентликда жорий йилнинг 22 февралидаги 21-сон буйруғи қабул қилинди. Мазкур буйруқ асосида 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Халқ билан мулоқот ва инсон манфаатлари йили”да амалга оширишга оид Давлат дастури асосида ишлаб чиқилган Агентлик тизимида амалга ошириладиган чора-тадбирлар режаси тасдиқланиб, унга кўра, Агентлик ва архив иши ҳудудий бошқармалари ҳамда марказий давлат архивларининг ахборот хизматларининг фаолияти самарадорлигини ошириш, Агентлик ва архив иши ҳудудий бошқармалари ҳамда марказий давлат архивларининг фаолияти шаффофлигини таъминлаш, Агентлик ва архив иши ҳудудий бошқармалари ҳамда давлат архивларига замонавий фикрлайдиган, ташаббускор, масъулиятли, касбий тайёрланган кадрларни жалб этиш, каби тадбирлар белгилаб олиниб фаолиятга тадбиқ этилмоқда. Ушбу чора-тадбирлар режасини ижроси доимий тарзда назорати олиб борилмоқда. Шунингдек, жорий йилнинг 22 сентябрида Агентлик томонидан 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Ҳалқ билан мулоқот ва инсон манфаатлари йили”да амалга оширишга оид давлат дастури Ўзбекистон Республикаси Вазирлар Маҳкамаси билан келишилиб, Ўзбекистон Республикаси Бош пурокуратурасига юборилди.
“Архив ҳужжатларини алоҳида қимматли ҳужжатлар сирасига киритиш тартиби тўғрисида Низом”, “Архив ҳужжатларини кириб кўриш тартиби”, “Ўзбекистон Республикаси ташкилотлари фаолиятида тузиладиган бошқарув ҳужжатларининг сақлаш муддатлари кўрсатилган Намунавий Рўйхати” лойиҳалари ишлаб чиқилиб, ҳудудий архивлар ва ташкилотлар таклифлари асосида қайта ишланмоқда.
Шунингдек, “Давлат архивлари ҳузуридаги ҳўжалик ҳисобидаги хизмат кўрсатиш ходимлари гуруҳи тўғрисида Намунавий низом” ишлаб чиқилиб, “Ўзархив” агентлиги Бош директорининг буйруғи билан тасдиқланиб, амалиётга жорий этилди.