Зардўзлик санъатининг ривожланиши

Kungurai sedona — uning ikki turi bo`lib, sherozi duxoba ustiga, olti qavat zar ip bilan yupqa matolarga tikiladi. Uning «kungurai sedonai yak raftor» va kungurai sedonai du raftor» xillari bor.
Mavji tunuk — nafis gazlamaga asosan sallalarni tikishda qo`llaniladi. Hozir esa namoyonlarda qo`llanilyapti. Masalan, N. Aminovning «Salyut» deb nomlangan namoyoniga mavji tunuk tikish turi qo`llanilgan.
Mavji xanjar — burchak shaklida tikish xili bo`lib, kumush zar bilan qobuli uslubida uchburchak tikiladi. Burchak o`rtasiga tilla zarda xanjari tikib chiqiladi.
Dabbusa — uzun hoshiya, davra do`ppilarda ishlatiladigan tikish turidir. Zardo`zlar ikki oba zar ipda tikib chiqilgach, ularning o`rtasi dabbusa sim bilan tikib to`ldirilib chiqiladi.
Chordarchor — zamindo`zining bir turi bo`lib, zamindo`zi siddilari yo`g`onroq, oralari ochiqroq bo`ladi. Ipaklar qattiqroq tortib tikiladi. Uning ko`rinishi chiroyli qilib terilgan g`ishtning ko`rinishini eslatadi. U namoyonlarda ishlatiladi. Qadimda choponning hoshiyalarida ishlatilgan. Chordarchor mo`ljalga qarab olinib, «tor bilan sakkiz-o`n siddigacha va undan ortiq siddi tortib tikiladi. A. Aminovning «Ismoili Somoniy maqbarasi» nomli namoyonida chordarchor tikish usuli qo`llangan.
Pulakchado`zi — pulakcha qizil, oq, ko`k, sariq, yashil, havorang bo`ladi. U Rossiya zardo`zligiga xos material bo`lib, tojik zardo`zlari bu usulda juda ustasi farang. Hozir ham pulakchadan keng foydalanilyapti.
Likak do`zi — u xuddi jajji prujinani eslatadi, u tilla va kumush rangda bo`ladi. Keyinchalik likakdo`zi tikish xili keng tarqalgan, zardo`zlikda sho`x o`ynoqi ko`rinish beradi, 5% li kumush va oltin suvi berilgan turlari yoki misdan qilinib oddiy usulda pardozlanishi ham mumkin.