Зардўзлик санъатининг ривожланиши

Earhal po`g`alar — mahalliy zargarlar ishlagan, odatda qora sir va feruza bilan bezatilgan, nafis gul naqshi tushurilgan bo`ladi.
Zardo`zlik uchun asbob-uskunalar
Har bir kasbda o`ziga xos asbob-uskunalar bo`ladi. Zardo`zlikda asbob-uskunalar uncha ko`p bo`lmasada o`ziga xos tomonlariga va tuzilishiga ega. Ularni birma-bir xarakterlab o`tamiz.
Chambarak — korcho`b, uning to`n, jun hamda mayda-chuyda buyumlar uchun mo`ljallangan uch turi mavjud. Ular katta-kichikligi bilan bir-biridan farqlanadi. Korcho`b uzunligi 320 santimetrgacha bo`lgan ikki teng yonli silliq yog`och dastadan iborat bo`lib, uchida joylashgan harakatlanuvchi shamshirak yordamida chambarakni xohlagan kattalikka keltirish mumkin. Chambarak bo`zdan qilingan kerish (tavar) tortiladi hamda u tikib tayyor bo`lgan buyum bilan birga chiqarib olinadi. Zardo`zlar ko`rpachada chordona holda o`tirib ishlaganlar. Zardo`zlikda qadimdan patila degan asbob ishlatiladi. Patila oddiy yog`ochdan chorrax (to`rt qirrali) va nafis qilib tarashlangan, ichini kovlab qo`rg`oshin kuyib vazminlashtirilgan bo`ladi. Unga to`rt qavat qilib zar o`raladi. Keyin maxsus kartondan kesilgan gullar ustidan tikib chiqiladi. Bunday patilalar ipni zich qilib o`rashni ta`minlagan, Zardo`zlikda angishvona ham ishlatiladi.