Зардўзлик санъатининг ривожланиши

Bershimi tilloyi chor tor — u to`rt yo`lli zar ip va eng yaxshi sifatli ipak ip. Bu har bir ipak ipni ikkiga bo`lib, ikkita qilib eshilgan. Oq ipak ipdan kumushrang gullar tikish uchun ishlatilgan. Responi pechak-40. 40-g`altak ip — XIX asrning 90-yillari boshida paydo bo`lgan bo`lib, zardo`zlikda keng ishlatiladigan xom ashyo. Uning rang tovlanishi xuddi ipakdagi singari bo`lib, faqat unga qizil hamda to`q qizil ranglar ham qo`shilgan. Mana shu g`altak ip keyinchalik o`ta qimmatbaho zardo`zlik buyumlarida ishlatiladigan ipak o`rnini egallagan. Ayrim paytlarda bitta buyumning o`zida xam u, ham bu ip ishlatilgan. Zardo`zlikda yana pulakcha, olmos qubbalar, zarhal po`g`alar va boshqalar ishlatilgan.
Pulakcha — zardo`zlikda ishlatiladigan kichkina tangacha. Mayda ok, sariq, qizil va boshqa ranglarda bo`ladi, buyumga qadash uchun o`rtasidan teshikcha qilingan metall pistoncha.
Olmos subbalar — zardo`zlikda ishlatiladigan turli nav oltindan zardo`zlarning o`zlari yasagan zargarlik taqinchoqlariga o`xshab ketuvchi bo`rtma naqshlar hamda qimmatbaho toshlar.