Замонавий қурилиш материаллари, буюмлари ва технологиялари

Волластонит - хом ашёсининг тузилиши жуда мустаҳкам боғланган полимерли силикатдир.
Гидравлик боғловчи моддалар - ҳам ҳавода ҳам сувда қотиб ўз мустахкамлигини ҳавода ҳам сувда ҳам (сувда яхшироқ) ошириб боради.
Гилли черепица лойдан қолипга қуйилган, сўнгра пиширилган тўғри бурчакли плиткалар ёки новлар кўринишидаги қурилиш материалидир.
Гипскартон пардозбоб қоплама материал бўлиб, осон мантаж қилиш ишларида қийинчилик бўлмайди. Бинонинг фақат ички жойларда ишлатилади. Намлик таъсир килмаган шароитда ишлатилади. Гипскартон икки томонлама қоғоз картон орасига, гипс бўтқасини жойлаб зичланади, кейин қуритилади.
Донадор домна шлаки металлургия саноатининг чиқиндисидир. Металл олишда домна қозони сиртига кўтарилган эритмани тез суръатда совутиб йирик қум сингари ғовак доналардан ташкил топган (5-10 мм) шлак олинади.
Ёнилги шлаки ва кули - тошкўмир, қўнғир кўмирни ёқишдан ҳосил бўладиган енгил бетонбоп ғовак тўлдиргичлардир. Кўмир таркибидаги анорганик қўшимчалар (масалан лой) юқори темпуратурада эриб, бўлак-бўлак ғовак материалга айланади.
Ишқорли цемент деб алюмосиликат билан ишқорий ташкил этувчилар асосида олинган гидравлик боғловчи моддага айтилади.
Керамогранит – экологик тоза материал бўлиб, унинг сув шимувчанлиги массаси бўйича 0,1– 0,2% ни ташкил этади. Унинг билан нафақат ички ва ташқи деворларни, балки шамоллатилувчи фасадларни пардозлаш ва очиқ балкон ва айвонларда фойдаланиш мумкин.
Кўпчитилган вермикулит – табиий тоғ жинси вермикулитни 1000-1100⁰С ҳароратда пишириб кўпчитиш йўли билан олинади.
Кўпчитилган перлит - таркибида сув миқдори кам (2-4%) бўлган вулқондан отилиб чиққан шишасимон тоғ жинсларини (перлитлар, обсидианлар) 950-1200°С да жадал пишириб олинган енгил тўлдиргич.
Қуруқ қурилиш қоришмалари – бу кўп компонентлардан ташкил топган бўлиб, уларнинг таркибларида минерал боғловчи ва тўлдиргичдан ташқари, минерал боғловчининг қотиши ва мустаҳкамлигини бошқариш ва қоришма қотгандан кейинги зарур физик-механик хоссаларга эришишини таъминлаш мақсадида кимёвий қўшимчалар комплекси мавжуддир.