Замонавий қурилиш материаллари, буюмлари ва технологиялари

8.2. Пардозлаш материаллари
Пардозлаш материаллари - полимер материалларнинг энг кенг гуруҳи: лист, плита, рулон, профил, погонаж ва бошқа материаллардан иборат.


75- расм. Хоналарни пардозлаш учун ишлатиладиган гулқоғоз материаллари

Қоғоз қатламли манзарали пластиклар-олдиндан синтетик смолалар билан шимдирилган қоғознинг бир неча қатламларидан қилинган пакетни иссиқлайин пресслаш (зичлаш) усулида тайёрланган зич материалдир. Қоғоз қатламли пластикнинг устки қатлами бир рангли тўлдирилмаган текстура қоғоз листидан ёки босмахона усулида босилган расмли қоғоздан иборат. Расм ёғоч ёки тошнинг қимматбаҳо навларининг (дуб, ёнғок, карел қайин, мармар, малахит ва бошқалар) худди ўзи бўлиши мумкин.

Қоғоз қатламли пластик листлар узунлиги 400-3000 мм, эни 400...1600 мм ва қалинлиги 1-3 мм. Қоғоз қатлами пластикнинг орқа томони тарам- тарам қилинади, чунки, бундай юзалар асосга яхши ёпишади.
Қоғоз қатламли декоратив пластик листлар маданий ва маиший биноларнинг ичини пардозлашда мебел шчитлар ўрнида ишлатилади.
8.3. Қувурлар ва санитария-техника буюмлари
Кейинги йилларда қурилишда пластмассалардан тайрланадиган қувурлар, санитария-техника буюмлари ва ускуналарнинг деталлари кенг қўлланилмоқда.
Пластмасса қувурлар полиэтилен, поливинилхлорид ва бошқа полимер материаллардан шнекли экстризия усулида олинади. Қувурлар диаметри 6-150 мм гача диаметрли қилиб чиқарилади, деворларининг қалинлиги 2 дан 8 мм гача. Улар 1,2 МПа гача иш босимига чидайди. Улардан қурилишда сув билан таъминлаш, канализация, вентиляция мақсадларида фойдаланадилар.
Пластмассалар хилма-хил санитария-техника буюмлари ва асбоблар – бет-қўл ювгич, раковина, унитаз, ювиш бачоклари, ванна, сифон, аралаштиргич, вентиляция панжаралари ва шу кабиларни тайёрлаш учун яхши материал ҳисобланади.
Пластмассалардан қилинган ускуналарнинг буюмлари ва деталлари жумласига дераза ва эшик дасталари, дераза жалюзалари (дарпардалар) ва бошқалар киради. Бундан ташқари турли электр қурилмалари ва асбобларининг турлари тайёрланади.






76- расм. Полимер сантехника буюмлари ва қувурлар