Замонавий қурилиш материаллари, буюмлари ва технологиялари

6.3. “Isover” изоляция материаллари
Шиша ўзининг хилма-хиллиги туфайли бугунги кунда ҳам “Saint-Gobain” фирмасининг асосий фаолият соҳаси ҳисобланади. Бу фирма шиша-пахта ва минерал пахта асосидаги изоляцион материалларини ишлаб чиқаришга ҳам жуда катта эътибор беради. Европа ва ундан ташқаридаги архитекторлар бу изоляцион материалларни технологик нуқтаи назардан энг яхшилардан бири деб ҳисоблайдилар. Бу изоляцияга оид энг турли хил масалаларни ҳал қилишга таалуқли бўлиб, уларнинг аҳамияти доимий равишда ортиб бормоқда (иссиқлик изоляцияси, товуш изоляцияси, ёнғиндан ҳимоя, атроф-муҳитни муҳофаза қилиш). “Saint-Gobain” фирмасининг “Isover” изоляцион материаллари - юқори сифатли маҳсулот намунасидир. “Isover” изоляцион материаллари барча зарур шартларга амал қилинганда (иссиқликдан изоляцияловчи деразалар, иссиқликни изоляцияловчи тамбурли кириш эшиклари, шунингдек соз ҳолда фаолият кўрсатувчи (иситиш тизими) энергия сарфини анча камайтирилишини таъминлаши мумкин. “Isover” иссиқликдан изоляцияловчи материаллар ташқи деворлар учун қалинлиги камида 8 см, ертула ёпмалари учун 6см, томлар учун 14 см бўлиши билан таъминланадиган яхши иссиқликдан изоляциялаш келажакда иситишнинг янги ва муқобил усулларини қўллаш имкониятини яратмоқда. Иссиқлик насослари, қуёш коллекторлари, шамол ғилдираклари ёки иссиқлик адсорберларидан биноларнинг мукаммал иссиқлик изоляциясисиз иқтисодий жиҳатдан мақсадга мувофиқ фойдаланила олмайди.

	55- расм. “Isover” иссиқлик изоляцион материаллари

Бинолар сиртининг 1 м² юзига ҳисоблаганда иссиқликдан изоляциялаш тўғрисидаги таққослама маълумотлар энергетик мустақилликнинг қандай даражасига эришиш мумкинлигини кўрсатади. Германиянинг иқтисодиёт вазирлиги нашр этган меъёрий кўрсаткичлардан фойдаланиб, бу маълумотларни ёнилғи литрлари ҳисобида қайта ҳисоблаб чиқиш мумкин. “Isover” иссиқлик изоляция материалларидан фойдаланиш туфайли иссиқлик узатиш коэффициентлари анча даражада яхшиланиши мумкин. Масалан, ташқи девор учун қалинлиги 8 см, ертўла устёпмаси учун қалинлиги 6см ва юқори қаватлараро устёпмалар учун қалинлиги

12 см бўлган “Isover” изоляциясидан фойдаланиш иссиқлик узатиш коэффициентини мос равишда 0,36; 0,51 ва 0,31 гача яхшилайди (7- жадвал):
7-жадвал

Қурилиш элементи, 1 м² юзага	Оддий изоляциясиз ижро
Ташқи девор Ертўла устёпмалари Юқори қаватлараро устёпмалар	K=1,33/15л K=2,25/13л K=3,73/33л