Zahiriddin muhammad bobur nomli andijon davlat universiteti maktabgacha pedagogika kafedrasi

7. Kurs ishini taqrizchilarga taqdim etish
Kurs ishiga obyektiv baho berish maqsadida unga muvofiq keluvchi yuqori ilmiy-amaliy salohiyatga ega bo‘lgan mutaxassislarning taqrizlari muhimdir. Har bir ish bo‘yicha kafedra yig‘ilishi qaroriga muvofiq taqrizchi belgilanadi.

Taqrizchi – OTMning boshqa kafedralari professor-o‘qituvchilari, yoki muayyan ishda ko‘tarilgan muammo bo‘yicha yetakchi ilmiy va amaliy faoliyat olib boruvchi boshqa maktabgacha ta’lim muassasalari tarkibidan bo‘lishi mumkin.

Taqrizda talaba tomonidan tanlangan mavzuning dolzarbligiga baho berilishi, unda qo‘yilgan maqsad va ifodalangan vazifalarga kurs ishi mazmunining mosligi, uning asosiy qiymatini belgilovchi, amaliy ahamiyati va olingan natijalarning ilmiy asoslanganligi, shuningdek, ishda yul qo‘yilgan asosiy kamchilik berilgan bo‘lishi lozim. Taqrizchi kurs ishining mazmuni va rasmiylashtirilishi bo‘yicha talaba mehnati natijalariga nafaqat sifat, balki miqdor (ballarda) baho berishi zarur.