|
Bo‘limlarni nomlari
|
Hajmi
|
1
|
Mundarija
|
1 bet
|
2
|
Kirish
|
2-3 bet
|
3
|
Asosiy qism (bob va bo‘limlar)
|
25 bet
|
4
|
Xulosa va tavsiyalar
|
1-2 bet
|
5
|
Foydalanilgan adabiyotlar
|
2-3 bet
|
Kurs ishining kirish qismida:
tadqiqot uchun tanlangan mavzuning dolzarbligi asoslanadi;
muammoni yechish uchun taxmin etiladigan tadqiqot maqsadi va vazifalari belgilab beriladi;
tadqiqot obyektiga tavsif beriladi va yechiladigan ilmiy muammoning zamonaviy holati baholanadi.
Tadqiqot predmetida muammoni xal etishining metod va usullari, vositalari belgilanadi.
Kirish tanlangan mavzuning dolzarbligini asoslash bilan boshlanadi. Dolzarblik unchalik ko‘p bo‘lmagan so‘zlar orqali ifodalanishi lozim.
Ilmiy muammoning dolzarbligidan tadqiqot maqsadining yakuniy ta’riflashga mantiqiy o‘tish, shu bilan birga ushbu maqsadga muvofiq holda yechish mumkin bo‘lgan aniq vazifalarni belgilash mumkin. Vazifalar asosan bir holatdan ikkinchi holatga o‘tish shaklida bajariladi: o‘rganish, tahlil qilish, ifodalash, namoyon qilish va h.k.
Ushbu vazifalarni imkon qadar puxtaroq ifodalash lozim. Chunki qo‘yilgan vazifalar yechimi ilmiy ishning asosiy mazmunini qamrab olgan holda tavsiflanadi. Shuningdek, bu ilmiy tadqiqot vazifalarining aniq ifoda etilishi aynan bob va bo‘limlar sarlavhasini vujudga keltirishda ham muhim ahamiyat kasb etadi.
Asosiy qism:
mavzuning ilmiy-nazariy asoslari;
maktabgacha pedagogika va maktabgacha metodika fanlarini o‘qitishda pedagogik texnologiyaning o‘quv jarayoniga tatbiq etish yo‘llari, uslub, shakl va vositalarini aniqlash;
soha bo‘yicha olib borilgan ilmiy-tadqiqot ishlariga tahliliy-tanqidiy yondashuv.
Kurs ishining asosiy qismida – bajarilayotgan ilmiy ishning mazmun-mohiyatini, metodikasi va asosiy natijalarini o‘z ichiga olishi lozim. Unda ishda o‘rganilayotgan masalaning nazariy asoslari tahlil etilish jarayonida asosan ikki va uch qirrasi ajratib ko‘rsatiladi. Keyingi bandda muammoning amaliyotdagi yechimini tadqiq qilish zarur. YA’ni bunda muammoni yechish uchun muayyan usul va metodlar keltiriladi hamda tadqiqot natijalari (ta’lim muassasalari misolida) umumlashtiriladi.
Har bir bob o‘z nomlanishiga ega bo‘lishi hamda u tugallangan ma’lumotlardan iborat 2 va 3 bo‘limlardan tarkib topishi lozim. Ishda boblarni juda maydalashga yo‘l qo‘yilmaydi. Ish asosiy qismida bob mazmuni aynan kurs ishining mavzusiga mos kelishi va uni to‘liq yoritishi kerak.
Asosiy qismni tashkil etuvchi bob va bo‘limlarning mazmuni kurs ishi mavzuiga to‘liq mos kelishi va uni to‘la ochib berishi darkor. bob va bo‘limlar talabaning qisqa, mantiqan to‘g‘ri va dalillar keltirib to‘plagan, tizimlashtirgan hamda tahlil qilgan materiallarini bayon etish qobiliyatini namoyish qilishi lozim. Mazkur ko‘rsatmada bob va bo‘limlar o‘zaro mantiqiy izchillikda beriladi.
Kurs ishining yakunida bajarilgan ishning natijalari bo’yicha qisqacha xulosa va unda quyilgan topshiriqlar to‘liq yechimining baholanishi ko‘rsatilishi lozim.
Demak, kurs ishining xulosa va takliflar qismida ish mazmuni bo‘yicha ishlab chiqilgan xulosalar va aniq takliflar, erishilgan natijalar mujassamlashtiriladi. Kurs ishi ayrim boblardagi xulosalar va takliflar bilan ham tugallanishi mumkin, ammo undan eng muhimlari ishning oxirida, ya’ni xulosa bo‘limida aks ettirilishi kerak. Shuningdek, bunda ishning amaliy yo‘nalishi va axamiyati, uni bugungi kundagi yoki kelajakdagi qo‘llanilish sohasi belgilab berilishi kerak.
Foydalaniladigan adabiyotlar ro‘yxatida ilmiy ishni yozish jarayonida qo‘llaniladigan, 20-25 tadan kam bo‘lmagan barcha adabiy, ilmiy va meyoriy manbalar hakidagi ma’lumotlar qamrab olishini maqsadga muvofiqdir.
Kurs ishida iloji boricha oxirgi 5 yilda nashr etilgan adabiyotlar, ilmiy ishlardan hamda Internet yangiliklardan foydalanish tavsiya etiladi.
foydalanilgan manba va adabiyotlarning tanqidiy tahlilini tuzishda qo‘yilgan muammoni o‘rganish uchun ular nimani berishligini aniqlash, shuningdek, ularning muallifi qanday manbalarga tayanganliklariga e’tibor qaratish lozim.
Do'stlaringiz bilan baham: | 
