Zahiriddin muhammad bobur nomli andijon davlat universiteti ijtimoiy fanlar kafedrasi

Sokinlik - harakatning o’ziga xos holati, muayyan tarzda namoyon bo’lish shakli.
Sofistika (yun.-sofizm-donishmand, usta) - fikrning mazmunini ataylab ko’chma ma’noda ishlatish usuli. Sofizm - qarama-qarshi fikrlar asosida ixtiyoriy tanlangan foydali mulohaza.
Sinergetika (yun.- kelishuv, hamkorlik, o’zaro ta’sir) - olamning o’z-o’zini tashkil etishi, makon va zamonda narsa va voqealarning azaliy ketma - ketligi, o’zaro aloqadorligi, ularning muayyan tizimlardan iborat sababiy bog’lanishlar asosida mavjudligini e’tirof etishga asoslangan ilmiy karash.
Sinergetika - turli tabiat tuzilmalarining o’z-o’zidan tashkil topish, barqarorlik, parchalanish va qayta paydo bo’lish jarayonlarini tadqiq etuvchi nazariya.
Sakrash - eski sifatning yangi sifatga o’tishi, narsa, hodisaning tub sifat
Sifat - narsa va hodisalarning ichki muayyanligini ta’minlaydigan, bir-biridan farq qildiradigan muhim belgi va xususnyatlarning birligidir.
Struktura (tarkib) - butunni tashkil qiladigan elementlarning bog’lanish usuli, qonuni, butun doirasidagi munosabatlar sistemasi.
Sistema (tizim) - o’zaro munosabat va aloqada bo’luvchi va muayyan yaxlitlikni, strukturani tashkil etuvchi elementlarning tartibli to’plami.
Sabab - o’ziga muvofiq keladigan biror natijani keltirib chiqaruvchi, holat, vaziyat.
Sezgi - obyektiv olamning subyektiv obrazi.
Sintez - analiz natijasida fikran bo’lingan elementlarni qaytadan tiklash,
birlashtirish, ilgarigi yaxlitlikni fikran vujudga keltirish.
Siyosiy ong - turli ijtimoiy guruhlarning davlat hokimiyatiga, siyosiy tashkilotlarga, ularning jamiyat hayotidagi roliga, boshqa davlatlar va millatlar bilan munosabatlari va shu kabilarga qarashlarning tizimlashtirilgan ifodasidir.
Siyosat - «davlatni boshqarish san’ati» - millatlar, ijtimoiy guruhlarning davlatni boshqarish, saylash-saylanish ishlarida ishtirok etish bilan bog’liq munosabatlari. Siyosat davlat faoliyatining bosh yo’nalishini belgilaydi.
Siyosiy partiya - (lot- qism, guruh) -umumiy g’oya va manfaat, ijtimoiy-siyosiy maqsadlar asosida odamlarni ixtiyoriy ravishda uyushtiruvchi turg’un tashkilot, fuqaroviy jamiyat bilan davlatni bir-biriga bog’lovchi eng muhim omil.