Zahiriddin muhammad bobur nomli andijon davlat universiteti ijtimoiy fanlar kafedrasi

Ishlab chiqarish munosabatlari - odamlarning mehnat taqsimoti, oldi-sotti, tovar ayriboshlash, ishlab chiqarish vositalariga bo’lgan munosabat, daromadni taqsimlash jarayonidagi o’zaro aloqalaridir.
Ijtimoiy tabaqalar – o’zlarining iqtisodiy, huquqiy mavqelari bilan farq qiladigan kishilar ijtimoiy guruhi.
Inson - bioijtimoiy mavjudot; tana va ruh birligi.
Individ - odam avlodining alohida olingan har qanday vakiliga nisbatan qo’llaniladi.
Ijtimoiy falsafada bu termin ijtimoiy butunlikning yagona vakiliga nisbatan ishlatiladi. Individ oddiy "yagona" emas, "yagonalardan biri"dir.
Individuallik - odam faoliyatidagi o’ziga xoslik, ko’pqirralik va uyg’unlikni, tabiiylikni ifodalaydi.
Ijtimoiy qadriyatlar - inson, jamiyat hayoti bilan bog’liq qadriyatlar.
Ijtimoiy manfaatlar - jamiyatning muayyan subyekti faoliyati bilan bog’liq, unga foyda, naf keltiruvchi omillar.
Ijtimoiy bashorat-jamiyat voqealigini oldinroq aks ettirish, kelajakka kirib borish.
"Informatsion jamiyat"-kompyuter va telekommmunikatsiya vositalari integratsiyalashuvidan iborat bo’lgan jamiyat. Bu nazariyaga ko’ra, texnik va texnologik axborotlarni zudlik bilan to’plab, oqilona ishlata bilgan jamiyat rivojlanishning keng imkoniyatlariga ega bo’ladi.
Idrok - sezgi a’zolarining miyada o’rganilayotgan narsaning bir butun obrazini yaratishidir.
Ideal – mutlaq barkamollik, bunday barkamollik haqidagi tasavvur.
Ierarxiya – bir narsaning funktsional ahamiyati yoki xizmat mavqeiga ko’ra ikkinchi narsaga, uchinchi narsaga va hokazolarga bo’ysunishi.
Izotrop – barcha yo’nalishlarda bir xil.
Indeterminizm – determinizmga qarama-qarshi ta’limot.
Integratsiya – birlashish, birikish, yaxlit bir butunning shakllanishi.
Introvertiv – o’ziga, o’z ichki dunyosiga qarab mo’ljal oluvchi.
Imitatsiya – taqlid qilish, soxtalashtirish.