Zahiriddin muhammad bobur nomidagi andijon davlat universiteti tabiiy fanlar fakulteti

Касбий фаолият соҳаси – илмий, ижтимоий, иқтисодий, ишлаб чиқаришда намоён бўладиган 
касбий фаолият объектлари мажмуи; 
Бакалавриатнинг асосий таълим дастурлари (бакалавриат дастури) – талабаларнинг тарбияси 
ва тайёргарлик даражаси сифатини таъминлашга йўналтирилган ўқув режа, ўқув курси дастурлари, 
малакавий амалиёт дастури, ўқув жараёни жадвали ва уларга мос равишдаги таълим технологияларини 
амалга оширилишини таъминловчи ўқув-методик мажмуалар. 
Фан – ижтимоий характерга эга бўлган илмий билим тизими. 
Таълим – билим бериш, малака ва кўникмалар ҳосил қилиш жараёни, кишини ҳаётга ва 
меҳнатга тайёрлашнинг асосий тизими. 
Узлуксиз таълим - таълимнинг барча турларини қамраб олувчи, малакали рақобатбардош кадрлар 
тайёрлашнинг асоси бўлиб, у давлат таълим стандартлари, кадрлар тайёрлаш тизими тузилмаси ва унинг 
фаолият кўрсатиш муҳити. 
Экология – организмларнинг ўзаро ва уларни ўраб турувчи атроф табиий муҳит билан бўладиган 
ўзаро алоқадорлик қонуниятларини ўрганувчи фан соҳаси, унга оид билимларни берувчи таълим йўналиши 
ва унга оид ижтимоий муносабатларни мувофиқлаштиришга қаратилган амалий фаолият тармоғи. 
Атроф-муҳит муҳофазаси – табиатдан, табиий ресурслардан оқилона фойдаланиш ҳамда 
организмлар яшаш муҳитини экологик хавфсиз даражада таъминлашга йўналтирилган кишилик фаолияти 
мажмуи. 
Профиль – намунавий таълим дастурининг аниқ касбий фаолиятига йўналтирилган муайян тури 
ёки объекти. 
Ўқув-ўрганиш натижалари – ўзлаштирилган билимлар, амалий малакалар, кўникмалар мажмуи; 
Ўқув босқичи– таълим дастурларига мос илмий ёки касбий фаолият доирасидаги билимлар ва 
амалий малакаларни ўзлаштириш ва кўникмаларни муайян муддатда шакллантиришга мўлжалланган 
фанлар мажмуи. 
АРМ - ахборот ресурс маркази. 
ИТИ - илмий тадқиқот ишлари.