Z. S. Ubaydullayeva, sh. R. Xalimova muhandislik geologiyasi va gruntlar

Gruntlarda  yutish  hodisasi: 
juda  yupqa  zarrachalardan  tashkil  topgan 
gruntlarning  asosiy  xususiyatlaridan  biri  -  atrofdagi  eritmalardan  boshqa 
moddalarni  o’ziga  tortib  olish  xususiyatidir.  Bu  vaqtda  faqatgina  erigan  moddalar 
emas,  balki  suvdagi  loyqalangan  moddalar  ham  o’ziga  tortib  olish  xususiyatiga 
ega.  Bu  zarrachalar  gruntlarning  yirikroq  donalari  bilan  ham  mustahkam 
bog’langan  bo’lib,  ularni  mexanik  yo’l  bilan  ajratish  mumkin  emas.  Tabiatda 
yuzasi  toza  bo’lgan  zarrachalar  uchramaydi.  Ko’pincha  yirik  donalar  usti  kolloid 
zarrachalar bilan kirlangan bo’ladi. Shu sababli gruntlarda kolloid zarrachalar yirik 
donalar ustida bir tekis tarqalgan, natijada ular ham kolloid xususiyatga ega bo’lib 
qoladi.  Grunt  qanchalik  gilli  bo’lsa,  uning  fizik,  mexanik  va  fizik-kimyoviy  va 
kimyoviy  xususiyatlariga  shunchalik  ta’sir  etadi.  Eritmalardan  moddalarni  tortib 
olish  xususiyatiga  qarab  yirik  olim  K.K.  Gedroyts  gruntlarning  yutish 
xususiyatlarini  quyidagi  turlarga  ajratadi:  1)  mexanik,  2)  fizik,  3)  fizik-kimyoviy, 
4) kimyoviy, 5) biologik. 
 
Mexanik yutish
 xususiyati gruntlarning g’ovaklari bilan bog’langan bo’ladi, 
bu gruntlarda suv o’tayotganda zarrachalar suvdagi loyqalangan moddalarni ushlab 
qolishidan  iboratdir.  M.  M.  Filotov  tekshirishlariga  ko’ra,  mexanik  yutish  o’zida 
suvni yaxshi o’tkazuvchi g’ovakli tog’ jinslarida ro’y berib, u g’ovaklarni loyqalar 
bilan  betkilib  qolishiga  olib  keladi.  Bu  hodisani  avtomobil  yo’lining  zamini  qum 
bo’lganda uchratish mumkin. 
 
Fizik  yutish
  xususiyati  gruntlarda  zarrachalar  ustida  erkin  energiya 
bo’lganda  ro’y  beradi,  zarrachalar  eritmalardan  tortish  kuchi  orqali  moddalarni 
o’ziga  tortib  olish  bilan  harakatlanadi.  Fizik  yutish  natijasida  grunt  zarrachalari 
ustida  eritmalardan  olingan  moddalardan  tashkil  topgan  qavat  hosil  bo’ladi,  bu 
qavatning xususiyatlari gruntlarning mustahkamligiga ta’sir etadi.