Polyelar
– bir necha voronkalarning birlashishidan hosil bo’ladi yoki
chuqurliklarda yotgan tog’ jinslari karst hodisasiga uchrashi natijasida yer
yuzasining juda katta maydoni o’pirilishidan hosil bo’ladi. Polyening uzunligi bir
necha metrga yetadi.
G’ovaklar
– bir necha yoriqlar yordamida tog’ jinslarining erishidan hosil
bo’ladi. Karst hodisasiga uchragan tog’ jinslari asallari uyasiga o’xshab qoladi.
109-rasm. Karst suvlari
297
G’orlar
– bu shunday bo’shliqki, uning hosil bo’lishi tog’ jinslarining erish,
yemirilish hamda buzilish jarayoni bilan bog’liq. G’orlar, ko’pincha, yer osti
suvlari tog’ jinslarini eritishi natijasida hosil
bo’ladi. Karst hodisasi tarqalgan o’lkalarda g’orlar
juda ko’p. Yakka bo’shliqdan hosil bo’lgan g’orlar
kamdankam uchraydi. Odatda, ular bir qator
bo’shliqlardan, turli kattalik va turli shakldan
iborat. G’orlar vodiylarda, tog’ yonbag’irlarida,
dengiz qirg’oqlarida uchraydi. Karst hodisasiga
uchragan tog’ jinslarida bir necha g’orlar bo’lishi mumkin, bular o’z navbatida,
bir-birlari bilan yoriqlar, yo’llar orqali birlashgan bo’ladi. Ko’pgina g’orlarda
ko’llarni hamda yer osti daryolarini uchratish mumkin. Nam iqlimli joylarda yer
osti bo’shliqlari hosil bo’lishi natijasida vujudga kelgan cho’kmalar suv bilan
to’lib, o’pirilma yoki botqoqliklar hosil qiladi.Karst hodisasi natijasida vujudga
kelgan cho’kmalar suv bilan to’lib, o’pirilma ko’llar yoki botqoqliklar hosil
bo’ladi. Karst hodisasi natijasida hosil bo’lgan katta-katta bo’shliqlar tufayli
ko’pgina daryo, ko’llar yer yuzasida yo’qolib, ma’lum masofadan so’ng paydo
bo’lishi mumkin. Masalan, Boshqirdistondagi Oq daryo yo’nalishi davomida bir
necha marta yo’qolib, yana oqim bo’ylab bir necha masofadan so’ng paydo
bo’ladi, yana yo’qoladi va h.k. O’zbekiston hududida ham juda ko’p karst
bo’shliqlarini uchratish mumkin. Masalan, Zarafshon tog’ tizmasidagi Qirqtog’
tog’ida ko’p karst shakllari uchraydi. Bular- karrlar, voronkalar. Bu yerlarda
voronkalar soni 3000 dan ko’p. Qirqtog’da karst quduqlari ham uchraydi. Kiyev
nomi bilan yuritiluvchi karst chuqurligining uzunligi 2 km, kengligi 0.6 km ga
teng. Kiyev chuqurligida bir necha quduqlar bo’lib, umumiy chuqurligi 10 m
bo’lgan ko’l hosil bo’lgan.
Zarafshon vodiysida Chaqirkolon tog’ tizmasida uzunligi 67 m bo’lgan g’or
bo’lib, u bir necha bo’limlardan iborat. Ana shu vodiyda yana Yerkamer g’ori va
boshqa ko’pgina g’orlar mavjud. Qashqadaryo vodiysida ham juda ko’p karst
298
hodisasi hosil bo’lgan bo’shliqlar uchraydi.
Masalan, Sovuq buloq g’ori. Bedodsoy
vodiysida
joylashgan
1-Kaptarxona,
2-
Kaptarxona g’orlari. Ularning uzunligi 10-15 m
ni tashkil etadi.
Janubiy
O’zbekiston
tizmalarining
Boysuntog’ hamda Nurota tog’larida ham juda ko’p g’orlar uchraydi. Ularni
“Mingchuqur” deb ham ataydilar.Karst g’orlarini Chirchiq daryosining irmoqlari
bo’lgan Ugam, Chotqol daryolari vodiylarida ham uchratish mumkin. Karst
hodisasi tarqalgan joylarda qurilish ishlari olib borish uchun o’sha joyning karst
hodisasiga uchragan maydonlarining ko’p yoki ozligini va bu hodisa sabablarini
aniqlash kerak bo’ladi. Agar karst hodisasiga uchragan maydonlar ko’p bo’lsa,
inshoot qurilishini boshqa yerga olib o’tish kerak. Karst hodisasi kam tarqalgan
joylarda ularning rivojlanmasligi uchun chora-tadbirlar qo’llash lozim bo’ladi.
Karst hodisasi qurilish ishlarini qiyinlashtiradi, yer osti qazuv ishlari olib
boriladigan joylarga yer osti suvlari oqib kelishi hamda ko’pincha, bu joylarda
inshootlarning cho’kishi kuzatiladi. Ba’zi joylarda karst hodisasi tez rivojlanishi
sababli xalq xo’jaligiga juda katta zarar keltiradi.
1943 yilda Moskva – Gorkiy temir yo’lining bir qismida, ko’tarmaning tag
qismida o’pirilish ro’y bergan. 1953 yil avgust oyida esa mana shu yo’lning
boshqa bir qismida ham o’pirilish ro’y berdi. Natijada
diametri 25 m bo’lgan voronka hosil bo’lgan. 1966
yilning noyabr oyida esa uchinchi bir qismida o’pirilish
sodir bo’ldi. O’pirilishlar 1965 yili yo’lning boshqa
qismlarida ham ro’y berdi. Bunday misollarni ko’plab
keltirish mumkin. Yer osti inshootlarini, ayniqsa, yer
osti yo’llarini qurishda, ko’pincha, karst g’orlariga hamda karst yer osti suvlariga
duch keladi. Bu esa gohida o’sha qurilishning to’xtatishiga, bu esa ba’zida juda
katta moddiy xarajatlarga olib keladi. Shu sababli karst hodisasi tarqalgan joylarda
299
inshootlarni loyihalash uchun maxsus muhandis-geologik qidiruv ishlarini olib
borish zarur.
Muhandis-geologik qidiruv ishlarida joylarning karstlanuvchanligini
baholash katta ahamiyatga ega. Chunki inshootlarni loyihalashda ularning
mustahkamligi karstlanish jarayonining tezligiga bog’liq. Bu ishlarda karst
shakllarining joylashish zichligini hamda relyefi, geologik tuzilishi, yer osti va yer
usti suvlarining tog’ jinslariga ta’siri aniqlanadi.
Joylarning karstlanuvchanligi 1 km yuzada hosil bo’lgan karst
bo’shliqlarining soni bilan aniqlanadi. Shuningdek, bu karst bo’shliqlarining
yoshini aniqlash ham muhandis-geologik ahamiyatga ega. Chunki bu orqali
karstlanish jarayonining rivojlanishini oldindan bilishga imkon beradi.
Karstning yoshini aniqlash uchun karst hosil bo’lish jarayonining vaqtini
bilish kerak. Buning uchun karst bo’shliqlarining tashqi tuzilishini, morfologik
belgilarini aniqlash lozim. Joylarning karstlanuvchanligini baholashda karst
bo’shliqlarining kengligi, uzunligi hisobga olinadi. Shuningdek, joyning tabiiy
sharoiti, geologik tuzilishi, geomorfologik va gidrogeologik va iqlim sharoitlari
birgalikda o’rganiladi.
Karst tarqalgan joylarning muhandis-geologik sharoitini o’rganishda
hududning tektonikasi, ya’ni joydagi tektonik harakatlar, ular natijasida hosil
bo’lgan tektonik yoriqlar ham batafsil o’rganiladi. Chunki bu yoriqlar orqali
suvlarning harakat qilishi tezlashadi va karst hodisasiga sharoit yaratiladi. Karst
hodisasini o’rganishda gidrologik sharoit, ya’ni yer usti suvlarining miqdorining
o’zgarishini aniqlash lozim. Shuningdek joyda tarqalgan tog’ jinslarining suv
o’tkazuvchanlik koeffitsiyentining maydon bo’yicha o’zgarishi aniqlanadi.
Karstlangan tog’ jinslarining suv o’tkazuvchanlik koeffisiyenti miqdori katta
bo’ladi. Gidrogelogik sharoitni aniqlashda yer osti suvlarining sathi, miqdori,
harorati, ularning harakati hamda kimyoviy tarkibi o’rganiladi.
Shunday qilib, karstlanish jarayoni har tomonlama o’rganilib, uning
tarqalishi va rivojlanishini oldindan aytib berish va bu ma’lumotlardan bu joylarga
300
quriladigan inshootlarga uning ta’sirini aniqlashda foydalaniladi.Karst tarqalgan
joylarning mustahkamlik darajasini aniqlashda Z. A. Makeyev tasnifidan
foydalanish mumkin. Z. A. Makeyev tasnifi bo’yicha joylarning mustahkamlik
darajasi 3 turkumga bo’linadi:
1.
Juda mustahkam bo’lmagan maydon – har yili 5-10 tagacha karst
bo’shliqlari hosil bo’ladi;
2.
Mustahkam bo’lmagan maydon - 1km
2
yuzada har yili 5 ta chuqurlik hosil
bo’ladi;
3.
Mustahkam maydon - 1km
2
yuzada 20-50 yil mobaynida bitta chuqurlik
hosil bo’ladi.
Karst hodisasi tarqalgan joylarda inshootlarni qurish uchun quyidagi chora-
tadbirlar qo’llaniladi:
1.
Suvda tez eruvchi tog’ jinsi tarqalgan maydonlarni yer osti va yer usti
suvlaridan muhofaza qilish. Buning uchun yer usti suvlarini boshqa joyga
yo’naltirish, zovurlar qurish va h.k;
Do'stlaringiz bilan baham: |