Z. M. Bobur nomidagi andijon davlat universiteti pedagogika kafedrasi

Nazorat ishlariga tayyorlanish - Nazorat ishlariga tayyorlanish jarayoni ham mustaqil ta`limning asosiy ko’rinishlaridan biri hisoblanadi.
Ta`lim olish davrida imtixonlar va nazorat ishlari topshirish talabalardan katta javobgarlik talab qiladi. Imtixonlarda va nazorat ishlarida talabalar o’quv rejasini qanday darajada o’zlashtirganliklari haqida hisobot beradilar. Talabalarning nazoratlarga o’z hohishi asosida mukammal tayyorlanishi a`lo baho olishining garovidir. Talaba har bir darsga o’z vaqtida va yaxshi tayyorlansa ham u nazorat ishlaridan oldin baribir qayta tayyorlanishi kerak, ya`ni materialni qayta o’qishi, umumlashtirishi va tizimlashtirishi lozim.
Mustaqil ishlarni va talabalar bilimini tekshirish -Talabalarning bilimini tekshirish ya`ni aniqlash, yangi materialni mustahkamlash vaqtida, o’tilgan o’quv materiallarini o’zlashtirish, mehnat usullarini egallash va mustaqil mehnat topshiriqlarini, grafik ishlarini va uy topshiriqlarini bajarishlari jarayonida talabalarning bilimlari tekshiriladi va unga ball qo’yiladi.
CHizmalar va sxemalarni o’qish va tuzishni o’rganish-Kasb ta`limi fakultetini ko’pchilik fanlari texnikaviy asoslarga ega bo’lganligi sababli chizmalarni o’qish, sxemalarni tuzish muhim axamiyat kasb etadi.
Talabalarga chizmalarni o’qish va tuzishni o’rgatish uchun ularda grafik bilim elementlari bilan tanishishlari chizmalarni o’qishni o’rgatishdan boshlanadi. Mashg’ulotlarda texnologik xujjatlar sifatida texnik rasmlar, eskizlar va ish chizmalaridan foydalanildi.
Sxemalarni o’qish: mashinaning nomi, vazifasi va qaerda qo’llanishini aniqlash; uning ish jarayonini tushuntirish; mashina qo’llanmasini o’qib chiqish va detallarning vaziyati, xarakatni uzatish usullari hamda ketma-ketligini aniqlash;
Texnik modellashtirish va loyixalash-Pedagogika oliy ta`lim muassasalarida texnik modellash va loyixalash mashg’ulotlari uchun ko’pincha o’quv ustaxonalaridan foydalaniladi. Bu ustaxonalarda kasb ta`limining xar hil tashkiliy shakl va metodlaridan foydalanish; texnik ma`lumotlar berish; tadqiqotchilik va amaliy faoliyat malaka, ko’nikmalarni shakllantirish ishlarini amlga oshirish; texnik bilimlarni, mehnat usullarini, bajarilgan ishlar sifatini nazorat qilish; dizayn, estetik did va mehnat madaniyati ko’nikmalarini, mustaqil ishlash qobiliyatini shakllantirish; konstruktorlik-texnologik xarakterdagi ijodiy masalalarni hal qilish, yuksak darajadagi mehnat intizomiga va mehnat muxofazasi talablariga rioya etish uchun ma`lum shart-sharoitlar yaratilgan bo’lishi lozim.
Loyixalash – asl nusxadagi mashinalar, moslamalar, jixozlar va hokazolarning chizmalarini yaratishga qaratilgan ijodiy jarayondir. (9).
Loyihalash bilan shug’ullanish uchun avvalo keng grafik hamda texnologik bilim va malakalarga ega bo’lish kerak. SHuningdek, buyumlarning mustahkamligi, aniqligi va hokazolariga oid murakkab hisoblarni bajarish imkonini beradigan maxsus loyihalash bilimlari va malakalari ham zarur.